AGER KVDVNG 4:26 - ANU LUGOD N. T. (BSI)

²⁶ Mo:pvsok migomkvdv:dc attarkvdv:dcm bulu av avkvdv:dc aiyo: aiyo:pc tvkumsula lc:tung, odokkc migom donckvdv:dcm lckopc langkumamsuto; Ru:tumdok birudi:pc odokkc Bvk vrnamdok birudi:pc.’

AGER KVDVNG 4:26 ပူးပေါင်းရင်းမြစ်များ

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

HIBRIUKVDVNG 1:9

No dormokanamcm aipc mc:to odokkc lujvglurokama:nammcm tayumto. Cdcmpidag Ru:ncpcpvncbv, nok Ru:ncpvncbv nom mc:pomcngannok tulangcm yonnvgto nok ajonkvdv:dcmyam bojcya:pc.”

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

LUNGOR LUNAM 17:17

kapcnc Ru:ncpvncbv cdcm buluk asin arangkvdv:do:pc mca:lvgto buluk mc:la gvpc ipcnamdcmpc idopc asin atcrongkopc ila odokkc buluk migom ilang gvla:dcm cdc simvndo:pc bipakla:yam, Ru:ncpvnckc agomdc lukamdcmpc ingapma:sisscm.

LUNGOR LUNAM 12:10

Odokkc ngo bottcru:nc gomugko scmpc lunamko taycngto tadbegto, “Su:pak mopvtnamdc odokkc ilang gvla:namdc odokkc ngoluk Ru:ncpvnckc migom doko amo:dc odokkc Bvk Kristokc ilang gvla:nancdc pvnga:dobong, kapcnc ngok bvrrang kvdv:dcm aimang cmna lulvgncdcm crpaklettobong, sc:kobv ngoluk Ru:ncpvnckc kcra:lo longgcmna: yummcm aimang cmna ludagaji.

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”