AGER KVDVNG 4:21 - ANU LUGOD N. T. (BSI)

²¹ Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.

AGER KVDVNG 4:21 ပူးပေါင်းရင်းမြစ်များ

AGER KVDVNG 5:26

Odo mimag daggcnc migom amidcm gvbola bulum ycngkapc gvkang, cmpige:la atvko dcmma:-pama:pc, kapila:nc bulu tani:kvdv:dc vlvngcm crpckc cmna pcsodagai.

LU:KKC 22:2

odokkc dormo ager gernc kvdv:dok bottarya:nc kvdv:dc:lang agom adgabnc kvdv:dc Bvm kapc mokepcikc cmna mago:to; kapila:nc bulu tani:kvdv:dcm pcsodagai.

LU:KKC 20:19

Abvg adgabnc kvdv:dc:lang dormo ager gernckvdv:dok bottarya:nckvdv:dc odo ayirardo bvm alagki sogappc cmna mcngkvto, cmpige:la bulu tanikvdv:dcm pcsokang; kapila:nc buluk agom lukampc luma:pc cdc kvkanbila kvnam do:yv:dcm kvto cmna bulu tadkinsuto.

LU:KKC 20:6

Cmpige:la ‘Tani:kvdv:dokkc,’ cmna ngolu lumvlo, tani:kvd:dc ngolum vlvngkokki gckeyc; kapila:nc bulu kindagai jc Jo:nbv lungor lunckai.”

METIU 21:46

Ckvdaggom cdvlo bulu Bvm ycnggapc cmna anka:la ka:tonc, bulu yadkumsunc tani:kvdv:dcm pcsokang, kapila:nc bulu Bvm Ru:nckc agom lungorbincko cmna mc:jvgdagai.

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

AGER KVDVNG 5:40

Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku.

AGER KVDVNG 4:17

Cmpige:la tani:kvdv:dok ara:lo cdc odokkc cmpcsin tadbu: ma:dopc kajc bulum sc aminsok agomcm ludanyobong cmna bulum lutadlai.”

LU:KKC 13:17

Bv cdcm lunamci, Bvk agom lukampc tadma:nc appv:dcm anyingamsumoto; odokkc tani:appv:dc Bvk bottapaknc mcngapla:ma:nam ager gernamkvdv:dokki airu:pc mc:pamkang.

LU:KKC 5:26

Odokkc bulu appv:dc ka:la kangaksumoto, odokkc bulu Ru:ncpvncmc aipai cmto odokkc pcsokang, scmpc lula, “Ngolu silo tadkv-kangkvma:nam agerko ka:to.”

METIU 26:5

Ckvdaggom bulu luto, “dodotv:do so:mang, ckvma:mvlo tani:kvdv:dc urradyc.”

METIU 15:31

Cdcmpidodcm tani: kcrc:dc mc:lamcngapla:tomang, cdvlo bulu ka:tonc agom lula:ma:nckvdv:dc lulangkangku, lcsulcbe:nc kvdv:dcm aimotoku, lambc gvla:ma:nc kvdv:dc gvlangkangku, odokkc miglunvkvdv:dc ka:begkangku; odokkc bulu Israeldok Ru:ncpvncdcm kumna aipai bito.

METIU 9:33

Odokkc cdvlo uidcm mcnpaktonc, agom lula:ma:nc tani:dc agom lurobkang; odokkc yadkumsunc tani:kvdv:dc mcngabla:tomang, scmpclula, “Cdvlosin Israelso scmpinncm kangkvmangai.”

AGER KVDVNG 4:22

Kapila:nc oko tani:dcm bulu cdc csa:mokunam kanggoddcm lcngkantonc yi:pi: dv:takoyam bojcyangko idagaboi.

AGER KVDVNG 5:13

Akedc akosin buluk lcdulo du:mvnpc cmna mcngkvla:tomang, cmpige:la tani:kvdv:dc bulum airu:pc mcnggc-sudagai.