4 Odokkc Pitorbv bvm ka:mi:la ka:to, Jo:nkokki, odokkc luto, “Ngolum ka:toka.”
Odokkc potindcm Bv tamsuptoku, odokkc cdcm igur gvgurnckvdv:dcm bitoku, odokkc tedtu:to; odokkc kumko okumdok du:nc appv:dc Bvggongkolo:pc ka:takkang.
Jisubv bvm luto, “Ngo nolum lumangalang nolu mc:jvgmvlo nolu Ru:ncpvnckc amin gvnamcm ka:begycpc cmna?” Cdcmpila bulu vlv:dcm kurpakto.
Jisubv cdvlo ka:begtoji odokkc bv odo bojcrungko kcdla du:namc ika:bong cmna kintoji, bvm Bv luto, “No csa:moteikuka cmna mc:dagnci?”
Odokkc bv bvm pcsola ka:jon joronna dungkang, odokkc luto, “Ru:tuma, cdc okkon?” Odokkc bvm bv luto, “Nok kumnamdcmbulumnang ammem aya:la attar binamkvdv:dc Ru:ncpvnckc kcra:to:pc mc:begla du:dopc pv:sangka:bong.
Cdcm ka:namc appvng simvnclang sirrc dcmpetla donamc odokkc amo:bo ngcnggo:nc odokkc do:mvrtok pcttangcbulu.
Longckoncm Pitorbv:lang Jo:nbv kumko okumdo:pc kumdv ayir kona:do gvdungai,
Bv Pitorkclang Jo:nkc lcdulo gvgab-garabla du:mvnna du:dodcm tani: appv:dc Solomonkc barandang cmkodo:pc dukkumsukang.
Odokkc cdcm Pitorbv kangge:la tani:kvdv:dcm luto, “Israelsok tani:kvdvnga, kapila nolu scm mcngapla:ma:pc idang, cdcmanggom nolu kapila ngolum ka:motsula du:n? Ngoluk avkc ilang gvlangkokki cdcmanggom ainamkokki bvm lambcm gvmotokuncmpc?
Pitormclang Jo:nmc kumko okumdo:pc gva:pc cmna idopc ka:la:yam, bv da:n kogo:la pa:namko kumna koto.
Odo bv bulum ka:mi:-miri:la ka:to, bulukkolok o:kaiko pa:pc cmna.