AGER KVDVNG 28:2 - ANU LUGOD N. T. (BSI)

² Odokkc odok du:nc tani:kvdv:dc ngolum anggoscscmpc ayangcm lcngkanto, kapila:nc bulu vmmcm parbito odokkc ngolum appvngcm goga:to, kapila:nc pcdongc owa:bomkang odokkc ansv:dagai.

AGER KVDVNG 28:2 ပူးပေါင်းရင်းမြစ်များ

HIBRIUKVDVNG 13:2

Mibo bonamcm bopc mc:yamc:sayoka, kapcnc odokki kinmango:pc taycng among lutad lunckvdv:dcm mibbom boto.

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

ROMANKVDVNG 1:14

Ngo Girikkvdv:doklang Angu tani: kvdv:dcm, asin mc:jo:nclang aima:nc kvdv:dok lcgangc gvpcru:nammc:

2 KORINTIANGKVDVNG 11:27

kvnggv:pc ager gerdomnang torpc ager gerdom pcsopcnamc, bojcrungko yubbegma:nam yumclo, kcnongclang tv:lv:lo, lckko lckko:lo donam kama:pc, svkvrra akud ali:pc dungkolo,

AGER KVDVNG 28:4

Cdvlo odok du:nckvdv:dc bvk alagdo tabvdcm bvkcn-bvli:dopc ka:tonc, bulu akoncm akoncm luka:mvnsuto, “Mc:murpcnamc kama:bong sc tani:sc tani: mokeru:ncko. Bv siycngdokkc ba:pvtsutogom ainc-aimang ka:ncdc bvm turmotomang.”

1 KORINTIANG KVDVNG 14:11

cmpige:la ngo jodi agomdok arcdcm kinma:mvlo, ngo luncdokkcpc ami amo:lok tani:pc iyc odokkc luncdc ngokkcpc ami amo:lok tani:pc iyc.

METIU 10:42

Odokkc sc:ko sc adjionckvdv:sok akoncm ansv:nc asi bati:koi biycnc bv agomtadjvgla gvmvnnc tani:ycmla:yam, aropakpc, ngo nolum lubidung, bvk amancm bv yogmoma:yc.”

AGER KVDVNG 27:3

Longkondo ngolu Sidonpc pvnga:to; odokkc Juliubv Poulmc aiyo:pc ka:sv:mosv:to, odokkc bvk ajonkvdv:do:pc ka:sv:mosv:dopc mclvgto.

ROMANKVDVNG 2:27

Cmpcmvlo cdc sc:kobulu amvr-amopc gadpukma:namcji ckvdaggom lujvglurodcm taddagji nolum aimang cmna luke:yc nolu sc:kobulukkc adla lc:nam lujvgko du:ji odokkc gadpugc dung odokkc lujvglurodcm tadma:ji.

JO:N 18:18

Cdcmpinamc ager gerya:nc tani:kvdv:dc:lang migom ager gernckvdv:dc mere:kokki vmvko parto, kapila:nc odo ansv:dagai, odokkc bulu dagla amsula dungai; Pitorbv:sin buluk lcdulo dunggai, avyc dagla amsula.

AGER KVDVNG 28:3

Poulbv vsvng jvrvgko gingkumsuto odokkc cdcm vmvlo romnvgto, vmvdok gunamdokki tabv adorkonc cdvlo ngc:lenka:ji bvg alagdok ycnggabge:la gamto.

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

ROMANKVDVNG 14:3

Sc:ko dodagji bvm sc:ko doma:ji doma:ncdcm tayum moyoka, odokkc sc:kobv doma:pc du:dagji bvm sc:ko dodagji cdcm aidag aimang cmna lumoyoka. Kapila:nc Ru:ncpvncbv bvm gogrvgsuto.