AGER KVDVNG 28:14 - ANU LUGOD N. T. (BSI)

¹⁴ Odo ngolu bvrokvdv:dcm rvgsuto odokkc buluk lcdulo kvnvd longckopc du:mvndopc gogto. Odokkc ngolu Ro:mpc gvto.

AGER KVDVNG 28:14 ပူးပေါင်းရင်းမြစ်များ

AGER KVDVNG 21:4

Odokkc agom tadjvgla gvmvnnc tani:kvdv:dcm mala, ngolu odo longc kvnvdko du:tedto. Bulu Yalodokki Poulmc Jerusalempc gvyoka cmna luto.

AGER KVDVNG 20:6

Cmpige:la ngolu Pilippi:do:pc konggcto Komirang Ilvgma:pc monam Pitang dododok lcdudo, odokkc longo lcdulo ngolu bulukkodo:pc Troa:do:p gvto, okolo ngolu longc kvnvdkopc du:tedtoji.

AGER KVDVNG 19:1

Apollo:bv Korintodo du:dodcm, Poulbv dagdung mo:tak-dok gvko:la gvto odokkc Ipesu:do:pc gvto. Odo bv agom tadjvgla gvmvnnc tani:ckkc pa:to.

JO:N 21:23

Bvrrang kvdv:dok ara:lo cdc agomdc cdc ngombungkang jc cdc agom tadjvgla gvmvnna gvnc tani:dc sima:yc; cmpige:la Jisubv bvm lumangai jc bv sipcma:namc, cmpige:la, “Cdc ngok mc:namkomvlo bv ngo gvkuma:sisscm du:mvlo, cdc nokkcpc okopc iycn?”

METIU 10:11

“Odokkc oko tawonlo cdcmanggom do:lu:lo nolu gva:ycnc sc:ko odo aipc du:jupnckonc magaplang, odokkc no gvkuma:sisscm oddung du:lang.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

AGER KVDVNG 6:3

Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji.

AGER KVDVNG 9:30

Odokkc cdvlo bvrokvdv:dc cdcm kintoji, bulu bvm Kaesariapc gvbotoku, odokkc bvm Tarsupc mclvgto.

AGER KVDVNG 28:13

Odokkc ngolu odokkc yadladla gvlangkula Regiumdo gvpv:to; odokkc longcko lcdudo pcya: owangbok csardc yusangkang, odokkc longkondo ngolu Puteoli:do:pc.

AGER KVDVNG 28:15

Odokkc odok bvrokvdv:dc, ngolu gvdung cmna tadto, Appiu Attarkokodo:pc odokkc Awum Mibo dungkodo appv:pc gvlento ngolum rvgsukapc.

AGER KVDVNG 28:21

Odokkc bulu bvm luto, “Judia:dokkcm ngolu nok agomlo oko do:jvgcmsin pa:mang, odokkc so:pc gvnc brokvdv:dok akosinci lukur-lule:bimang, cdcmanggom nok atv aima:ncm nokkcm lubimang.

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.