AGER KVDVNG 27:23 - ANU LUGOD N. T. (BSI)

²³ Kapila:nc siyumkc yummarso Ru:ncpvnckc taycng lutad luncko ngok kcra:so dagkangai sc:kokcpc ngo idoji odokkc sc:kom ngo kumdoji, odokkc bv luto, ‘Pcsoyoka, Poula:

AGER KVDVNG 27:23 ပူးပေါင်းရင်းမြစ်များ

AGER KVDVNG 23:11

Longkondok yumcdo Ru:tumbv bvk kcra:do dagkang odokkc luto, “Asinang Pvtatoka, kapila:nc Jerusalemdo kapc no ngom lukansubitonc, cdcmv:pc no Ro:mdo:sin lukanbipa:yc.”

HIBRIUKVDVNG 1:14

Cdc appv:dc ager incsa:nc yaloma:lang ager gerdopc mclvgnammc, cdc sc:kobulu moturcm pa:tonc odok buluk lcgangc?

2 TIMOTI 4:17

Cmpige:la Ru:tumbv ngok kcra:do dagkang odokkc ngom tornamcm bito pv:dandopc lutaddcm lubidopc, jc appvng Angu tani:kvdv:dc cdcm tadla:dopc. Cdcmpc ngo inggolok nappa:lokkc gvpvtsuto.

AGER KVDVNG 5:19

Cmpige:la yumcdo Ru:tumkc taycng among lutad lunckonc makana:dok yabgokvdv:dcm moge:to odokkc bulum gvlenam boge:kula luto,

ROMANKVDVNG 1:9

Kapila:nc Ru:ncpvncbv ngok lukanbinnc, sc:kom ngo Bvk Awodok tadponc lutaddcm ngok yalokokki ager gerbidoji, jc ngo mcma:ru:pc nolum lubidung ngok kumdokvdv:do lo:dvscm,

AGER KVDVNG 18:9

Odokkc Ru:tumbv Poulmc luto yumckoncm kangor ka:namkolo, “Pcsoma:pcka, agomcm lutok odokkc aso:pc du:yoka;

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

AGER KVDVNG 8:26

Cdcmpila Ru:tumkc taycng among lutad lunc akonc Pilipmc luto, “Darobla pcya:pc gvka:la gvkang Jerusalem dokkc Gajapc gvnc ali: lambcdo:pc.”

LUNGOR LUNAM 22:16

“Ngo Jisubv ngok taycng among lutad lunckvdv:dcm sc lukan lubinam kvdv:sokki nokkolo:pc Kristan mondoli:kvdv:dok lcgangc mclvgtung. Ngo appvrdc odokkc Dawidkolokkc sa:lennc oiyinnc, cdc ro: rokomlok unjernc takardc.”

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

2 TIMOTI 2:24

Odokkc Ru:tumkc ager gerya:nc kvdv:dc pamvnsugo:ncpc ipcma:namc cmpige:la appvngcm aipc mc:ncpc ipcnammc,

2 TIMOTI 1:3

Ngo Ru:ncpvncmc aipai bido sc:kom ngo narc:pc mc:nam-sagnamki agercm gerbodoji, kapc ngok abukvdv:dc ika:ji, cdvlo ngo mcma:pc ngok kumkolo mc:pa:doji.

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

ROMANKVDVNG 1:1

Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

AGER KVDVNG 16:17

Bv Poulkclang ngoluk lcdu lcdulo gvmvnto, scmpc jc:la lula: lula, “Sc tani:kvdv:sc Appvngcmyam Owudyangkodo Du:ncdok Ru:ncpvnckc ager gerya:nc, sc:kobulu turnamdok lambcdcm nolum lutadla lubidu:ji.”

AGER KVDVNG 12:23

Vgcmpc Ru:tumkc taycng lutad lunckonc bvm dcmto, kapila:nc bv Ru:ncpvncmc amindcm gvmomangai; odokkc bvm tapumc pc:to odokkc sikang.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.