AGER KVDVNG 26:22 - ANU LUGOD N. T. (BSI)

²² Silo longcso:pc Ru:ncpvnckolokkc pa:nam gvdumsunamcm pa:to, odokkc cmpila ngo sido adji:ncla bottcnc appv:lo lukanbila dagdung, okkomsin luma:pc cmpige:la Mose: lungor lunckc oko lunamkvdv:dc lukamdcmpci iycbo:ji cdcmong lula:

AGER KVDVNG 26:22 ပူးပေါင်းရင်းမြစ်များ

AGER KVDVNG 24:14

Cmpige:la scm ngo nom arro cmna lubidung, jc Lambcdok gvkampc, okodcm bulu c:mo:pin opvn cmdu:ji, ngo ngoluk abukvdv:dok Ru:ncpvncdcm kumdo, lujvg-lurodo lukam appv:dcm mc:jvgla cdcmanggom lungor lunckvdv:do adnamkvdv:dcm,

JO:N 5:46

Nolu Mose:mc mc:jvgdagmvlo, nolu ngom mc:jvgya:pc, kapila:nc bv ngok gomugcm adka.

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

LU:KKC 24:44

Odo Bv bulum luto, “Sc-bulu ngok agomkvdv:dc ngo nolum oko okodcm ludu:ji ngo noluk lcdulo du:mvndodo:bong, jc ngok agomcm Mose:kc lujvg lurodo odokkc lungor lunamkvdv:do odokkc ni:tomkvdv:do adkamdcmpc ingapru:pa:yc.”

LU:KKC 24:27

Odokkc Mose:kolokkclang lungorlunc kvdv:dokkc lurobbomna Bv Ru:nckc agom adgab appv:dcm lukur lule:la lubito Bvk agom lunamdcm.

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

ROMANKVDVNG 3:21

Cmpige:la su:pak Ru:ncpvnckc dormokanamdcm lujvglurodokki lcngkantobong, lujvglurodc:lang lungor lunckvdv:dc cdcm odok lcga:pc lukan lubidaggom,

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

AGER KVDVNG 26:17

nom Angu tani: kvdv:dokkcm la:pakla odokkc nom sc:kobulukklo:pc mclvgycji buluk amikkvdv:dcm moge:dopc,

AGER KVDVNG 26:6

Odokkc ngo su:pak sido kcba: bangkoso dagla dung ngoluk abukvdv:dcm Ru:ncpvnckc Pesubinamdcmpc,

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

JO:N 1:45

Pilipbv Natanaelmc rvgsuto, odokkc bvm luto, “Ngolu Bvm pa:to sc:kokc agomcm Mose:bv lujvglurodo odokkc lungor lunckvdv:dc adtaggaji Najaretdok Jisukc agomdcm, Josepkc awodcm.”

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

LU:KKC 24:46

odokkc bulum luto, “cdcmpila scmpc attak, jc Kristodc ipusire:ycm pa:pa:do odokkc lowum longcdo sikolokkc darobkupcnammc,

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.

LUNGOR LUNAM 11:18

Opvnkvdv:dc aglvngc sangkang, cmpige:la nok palvg lvgnam aglvngc pvngangkang odokkc sinckvdv:dcm kcbang bangkunam ayirdc, nok ager gerya:nckvdv:dcmbulum aman bikupc cmna, lungor lunckvdv:dcm odokkc aipc kumnc tani:kvdv:dcm Odokkc cdc sc:kobulu nok amincm pcsodagji, anyipagcm bottcnclang adji:ncm, Odokkc mo:pvsok momvg mosvgnc kvdv:dcm momvg-mosvgkupc.”

2 TIMOTI 3:11

ngok ipusire: pa:namkvdv:dcm, ngok du:g gvnamkvdv:dcm, okodcm ngo Antiokdo pa:toji, Ikoniumdo, odokkc Listra:do, kapinc ipusire:ycmbulum ngo menya:sula du:toji; ckvdaggom cdc appv:dokkcm ngom Ru:tumbv moturto.

METIU 26:24

Tani:kc Awodok agomcm kapc adtu:nc cdcmpc gvdag, cmpige:la tani:kc Awodcm sc:ko tani:dc miru alaglo tolvgycnc cdc tani:dc mc:la mc:tapsupcnammc! Cdc tani:dokkcpc bvm omangagom aiya:ya:pc.”

LU:KKC 16:28

kapila:nc ngokkc bvro anggoko dung, bv bulum lutadno:doc, ckvma:mvlo bulusin sc ipusire: pangkoso:pc gvpckc.’

AGER KVDVNG 13:29

Odokkc Bvk agomcm adkam appv:dcmpc cdvlo ingapka:ji, bulu Bvm vsv:dokkcm la:yito, odokkc agokolo Bvm lc:to.

1 KORINTIANG KVDVNG 15:3

Kapila:nc ngo mayangarnamdcmpc okodcm ngo pa:toji, jc Kristobv ngoluk pa:p lcgangc Ru:nckc agom jvggabdcmpc sikang,

1 KORINTIANG KVDVNG 15:4

jc Bvm agolo lc:to, jc Ru:nckc agom jvggabdcmpc lowum longcdo turmotoku,