AGER KVDVNG 26:18 - ANU LUGOD N. T. (BSI)

¹⁸ jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

AGER KVDVNG 26:18 ပူးပေါင်းရင်းမြစ်များ

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

IPESIANG KVDVNG 5:8

Cmpige:la su:pak nolu Ru:tumkc pva:do dung;

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

JO:N 8:12

Jisubv lckoda bulum luto, scmpc lula, “Ngo mo:pvsok pvangc; sc:kobv ngok lcdulo gvmvnycnc kcmolo gvgo:ma:yc, cmpige:la turra du:namsok pvangcm pa:yc.”

LU:KKC 1:79

Kcmolo odokkc siko ugyumlo tedla du:nckvdv:dcm pvangcm bikapc, ngoluk alckvdv:dcm mc:pola dungkolo gvbodopc.”

IPESIANG KVDVNG 4:18

buluk mc:namdc kcmodag, Ru:ncpvnckol turnamdokkc angudag bulukkolo kinma:pa:ma:pc du:namkvdv:dokki, buluk asinkvdv:do tornamkvdv:dokki.

2 KORINTIANGKVDVNG 6:14

Mc:jvgma:nckvdv:dokki ajoncm jonsula midangcm moyoka. Kapila:nc dormokancdokkclang aima:nc ager gerncdokkc jonsupcnamc okko du:n? Cdcmanggom pva:dokki kcmodokkc oko ajon jonsunammc du:n?

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

1 JO:N 3:8

Sc:kobv pa:bcm idoji bv uidokkc; kapcnc uidc lendoa:do dokkcbong pa:bcm ito. Ru:ncpvnckc Awodok lennamdok lcga:dc uidok agerdcm momvgkapc cmna.

AGER KVDVNG 2:38

Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.

1 JO:N 1:9

Jodi ngoluk pa:pkvdv:dcm lude:suyc, Bv mc:jvg jvgncko odokkc aropc kcba:ba:ncko, odokkc ngoluk pa:pkvdv:dcm mc:yinsubiyc odokkc ngoluk appvng dormo kama:namlokkcm mopu:dag.

AGER KVDVNG 20:21

Jiwucmnang Girik kvdvng anyipaklo Ru:ncpvnc kolo:pc asinc mc:dvrra mc:latsukunammcm nang Ru:tum Jisu Kristokolo mc:jvgnammcm.

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

1 PITOR 2:25

Kapcnc nolu me:r sobencmpc gvnyokla gvdungai, cmpige:la su:pak Me:rsoben ka:svncdo:pc odokkc yalokvdv:dok Ka:svmosvncdo:pc gvlatbotakkubong.

HIBRIUKVDVNG 11:6

Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

AGER KVDVNG 13:47

Kapila:nc Ru:tumbv ngolum scmpc lula lulvgto, ‘Ngo nolum Ru:ncmc kinma:nc tani:kvdv:dok saki:pc motu:bong, nolujen moturcm Mo:pv du:tcrkvdv:do:pc bompv:ycpc.’”

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

JO:N 9:5

Mo:pvso cddv:koi ngo du:ycji, ngo mo:pvsok pvangc.”

JO:N 3:19

Odokkc scmpcna kcbang ba:la lunamdc, jc pva:dc mo:pvso pvkang, odokkc tani:kvdv:dc pva:dcmyam kcmodcm aipc mcngkang, lcga:dc bulu buluk ager gernam kvdv:dc aimangai.

1 JO:N 2:12

Ngo nolum addung, ame:onc ommang kvdvnga, lcga:dc noluk pa:pkvdv:dcm Bvk lcgangc mc:yinsutobong.

1 PITOR 1:4

odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

JO:N 17:17

Nok agomdc arro.

LU:KKC 1:77

Bvk tani:kvdv:dcm mopvkunamlok kinnamcm bikapc buluk pa:pkvdv:dcm mc:yinsubi-la:mvlo,

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

HIBRIUKVDVNG 10:14

Kapcnc binam akkongki Bv appvng ayirlok lcgangc aiyo:pc aimoto cdc sc:kobulum narc:pc mopu:toji.

GALATIANG KVDVNG 3:14

Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

LU:KKC 24:45

Odo Bv Ru:ncpvnckc agom adgabnam kvdv:dcm mcngkindopc buluk asinkvdv:dcm mcngkinmoto,

2 TIMOTI 2:26

odokkc bulu uidok ketelepdokkc duggcla:ycpc, bvk mcngkamcm idopc lcdudo sogabdag.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

IPESIANG KVDVNG 1:11

Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

LU:KKC 2:32

Amiope:kvdv:dcm pvangcm odokkc nok tani: Israelkvdv:do amin gvdopc.”

METIU 4:16

Oko tani:kvdv:dc kcmolo tedla dunganc bottaru:nc pvangko ka:begto, Odokkc sc:kobulu sinckvdv:dok amo:lo odokkc siko ugyumlo tedla dunganc, pvangc pvkang.

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

HIBRIUKVDVNG 9:15

Cdcmpidag Bv anu lugodkolok pongkokdo dungge:la igurbincdc, odomvlo jen cdc sc:kobulum gogtu:nc lo:dv-longkvpc dungkunamdok pesunamdcm pa:ycpc, sinamko a:la:yam okodc lupo:nam lugodokki buluk imur-siyarkvdv:dokkcm rcpvttagji.

IPESIANG KVDVNG 5:14

Cdcmpidag cdcm lutag, “Kinsutoka, O yubla du:na, odokkc darobtoka yubkodokkc, odokkc Kristobv nolum pvangcm biycpc.”

IPESIANG KVDVNG 1:14

Okodc ngolu cdcm pangkuma:dodo:pc ngoluk pa:mvnkunamdok bigapla lc:namcji.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

GALATIANG KVDVNG 3:2

Ngom scmmong nolum taumotei: Nolu yalodcm lujvglurodok agerkokki:yc torvgsukan, cdcmanggom mc:jvgla tadla:yc? Nolu odokkvdvkoi monba:ba:ncn?

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

1 KORINTIANG KVDVNG 1:2

Korinto:do Ru:ncpvnckc oko mondoli:do du:nc odopc, Kristo Jisukolo sc:kobulum narcngmotonc odobulu:pc, lckko:pc angunnctani:pc gognamkvdv:do:pc appvng mo:taklo ngoluk Ru:tum Jisu Kristokc amincm gognckvdv:dokki lckko:pc, bulukkclang ngoluk Ru:tum Jisu Kristo anyipakpc:

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

AGER KVDVNG 26:23

jc Kristobv ipusire:ycm pa:pcru:nammc, odokkc jc, odokkc turnckvdv:dok turpongarkuncpc ila:yam, bv tani:kvdv:do:pc odokkc Angu tani:kvdvdvng anyipakdo:pc pvangcm lutadbiyc.”

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

JO:N 9:39

Jisubv luto, “Kcba: ba:nam lcgangc ngo mo:pvso:pc gvdung, jc sc:kobulu ka:pa:ma:nc ka:pa:yckupc cmna, odokkc sc:kobulu ka:pa:dagji bulu migluycpc cmna.”

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

METIU 4:10

Odo Jisubv Bvm luto, “Gc:rkang, Uiya! Kapila:nc scmpc adtag, ‘Nok Ru:ncpvncmc kumnang odokkc Bvk lcgangong mc:tomna agercm gerrang.’ ”

AGER KVDVNG 26:19

“Cdcmpidag, O Migom Agrippa, ngo taycngtok ka:namdcm lukamdcmpc gvma:pc ila:mang,

IPESIANG KVDVNG 5:11

Kcmolok a:yc kama:nc ager kvdv:do okkomsin imvnyoka, cmpige:la cdcmbulum mcpaktoka.

IPESIANG KVDVNG 6:12

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.