AGER KVDVNG 24:25 - ANU LUGOD N. T. (BSI)

²⁵ Odokkc bv aropc kcba: ba:namc, avyc motumsula du:namcm odokkc ro:yampokc kcba:ba:nam agomcm svgka:mvnsunammc, Pelikbv aglvng sangkang odokkc luto, “Su:pakkcpc gc:rpongkang; cdvlo ngo tadmo:ycnc ngo nom goga:ycku.”

AGER KVDVNG 24:25 ပူးပေါင်းရင်းမြစ်များ

JO:N 16:8

Odokkc cdvlo Bv gvycnc, Bv rcngamscm pa:p agomcm mcjvgmoyc odokkc dormopc du:namcmcmnang kcba:ba:nam agomcm:

1 PITOR 3:15

cmpige:la noluk asinkvdv:do Kristomc Ru:tumpc mc:jubla mcnga:la. Nolukkolo du:nc mc:tindcm lo:dvscm mosv:sulangka sc:kobv kvlenna tadpc cmna morasupc cmnamc:ycji, ckvdaggom cdcm asin ansv:la:la mcnggcnam kumnamki ilangka;

2 PITOR 1:6

odokkc ainc ager gernamko kinnamki, odokkc kinnamdcm avyc mentumsunamki, odokki avyc mentumsunamdcm lo:dv longkvpc du:tvdagtvnamdcm dormokanamdokki,

GALATIANG KVDVNG 5:23

aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

AGER KVDVNG 10:42

Odokkc Bv tani:kvdv:dcm lutadgo:bidopc ngolum lulvgto, odokkc lukanbidopc jc Bv cdc Ru:ncpvnckokki vrnamdc turra du:nc kvdv:dcmna: sinkvdv:dok kcba:ba:ncpc.

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

JAKOB 2:19

Nolu mc:jvgdo jc Ru:ncpvncbv ako; nolu ainc agercm gerdo. Cdcmpc uikvdv:dc:sin mc:jvgdag–odokkc pcsola jingo:sudag.

HIBRIUKVDVNG 9:27

Odokkc cdc kapc tani:ycm lcko sidopc ayircm mctagnc, odokkc odok lcdupc kcbangcm ba:donc,

HIBRIUKVDVNG 4:1

Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc.

HIBRIUKVDVNG 3:13

Cmpige:la akoncm akonc longgcm longgcm luyirmvnsulang, cddvlo:pc “silo” cmna luycji, jc nolukkolok sc:kosin pa:pdok yadnamdokki asin torma:ycpc.

GALATIANG KVDVNG 3:22

Cmpige:la Ru:nckc agom jvggabdc appvng atvcm pa:plokkcpc tubjedcm tublvgtobong, jc Jisu Kristokolo okodcm pesubitonc cdcm sc:kobulu mc:jvgdagnc cdcmbulum biycpc cmna.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

1 JO:N 3:10

Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

2 TIMOTI 4:1

Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

2 KORINTIANGKVDVNG 6:2

Kapila:nc Bv ludag, “Torvgsudv ayirdo ngo nolum tadto, odokkc mopvdo longcdo ngo nolum modumsuto.” Ka:toka, su:pakna torvgsula:nam ayirdc; ka:toka, su:pakna mopvnam longcdc:nc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

AGER KVDVNG 24:15

Ru:ncpvnckolo mc:tinna mc:la okodcm bulu avkvdv:dc:sin torvgsudo, jc ainclang aima:nclok anyipaklokkc sige:la turkunamko turycku.

AGER KVDVNG 17:32

Cdcmpidodcm cdvlo bulu sinc tani:yc turkunamdcm tadtoji, akedc yirka:la luto; ckvdaggom akedc luto, “Ngolu lckoda sok agomcm tadycku.”

AGER KVDVNG 17:2

Odokkc Poulbv gva:to, bvk agin gvkamv:pc, odokkc kvnvd longc awumkopc buluk lcdulo bv agomcm svgka:mvnsuto astro:dok lcganc,

AGER KVDVNG 2:37

Cdcmpinamc bulu cdcm tadge:la buluk asinkvdv:dcm nvgjonamto, odokkc Pitormclang agom tadla gvmvnnc akekvdv:dcm luto, “Bvrokvdvnga, ngolu kapc iycn?”

HIBRIUKVDVNG 6:2

lukanbinam kvdvngki kumnam lcgang vrsunam kvdv:dok, alagcm pigabnam kvdv:dcm, odokkc lo:dvlongkvlok kcba:ba:nam.

HIBRIUKVDVNG 12:21

Aropakpci, cddvkojc pcsopcnam ka:begnamdc idagai jc, Mose:bv luto, “Ngo pcsola jingo:sukang.”

ROMANKVDVNG 14:12

Cdcmpidag ngolukkolok appvngc av avkc inamgvnamlok kvnamcm Ru:ncpvncmc kvbipa:ycku.

ROMANKVDVNG 12:1

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

ROMANKVDVNG 2:16

ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.

AGER KVDVNG 26:28

Odokkc Agrippa:bv Poulmc luto, “su:pakkc atcrci no ngom Kristanpc badmopc cmna mc:du:n!”

AGER KVDVNG 17:13

Ckvdaggom cdvlo Tissalonika:dok Jiwukvdv:dc kintoji Birea:do:sin Poulbv Ru:ncpvnckc agomdcm lutadbito, bulu odopcsin gvto, nvgur nvgbarlvgla odokkc yadkumsunc tani:kvdv:dcm lubonnvgla.

AGER KVDVNG 9:6

ckvdaggom darobtoka odokkc nogordo:pc gva:la gvtok; nom lubiycpc no okkom ipcnammcji.”

METIU 22:5

Ckvdaggom bulu cdcm mc:yamc:sato odokkc gvpakkang, akonc bvk arvgpc, akondc bvk beparro:pc,

AGER KVDVNG 24:26

Odo ayirv:do bv mc:dagai jc Poulbv murkongcm biycpc cmna. Cdcmpila bvk lcgangc lckko: lckkolo agomcm luposuto.

TITUS 1:8

cmpige:la mibobolv:nc, arrom aipc mc:namc, bvk avyc avkc ru:tumpc isula, lc:si-lc:romkama:pc, angunnc, odokkc avycm mentumsula du:la:ncpc;