16 Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.
Odokkc Poulbv, kcba:dcm ka:mi:miri:la kangge:la, luto, “Bvrrang kvdvnga, ngo Ru:ncpvnckc kangkolo appvng mc:namsagnamcm kinna silolo:pc dung.”
Bulu ka:to jc lujvg lurodc okodcm madagaji buluk asinkvdv:do adtak, buluk mc:namsagnamcsin lukancm lubidag odokkc buluk luker luyermvnsunam mc:namkvdv:dc aimang cmna lugcdag cdcmanggom bulum mc:yinsuyc odo longcdo,
Ngo Kristokolo du:la agomdcm ludung, ngo lume:ycm lumang; ngok mc:nam sagnamsc Angunnc Yalodo ngom lukancm lubidag,
Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,
Ngo avwcsinci kcbangcm ba:sumang. Ngo avkc birudi:pc okkomsinci ansuka:sumang, cmpige:la ngo odokki imurkama:ncpc imang. Cdc Ru:tumbv:pak sc:kobv ngom kcbangcm ba:doji.
Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.
Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.
Nolu lukan binckvdvdc, odokkc Ru:ncpvncbv:sin, kapc cddvko angunnc odokkc dormokannc odokkc lujck kama:na:ji ngoluk nolukkolo:pc inam-sa:nam kvdv:dc;
Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,
cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.
bulu narc:nc mcngkuptablapdcm mc:bomna du:pa:ru:yc.
Ngo Ru:ncpvncmc aipai bido sc:kom ngo narc:pc mc:nam-sagnamki agercm gerbodoji, kapc ngok abukvdv:dc ika:ji, cdvlo ngo mcma:pc ngok kumkolo mc:pa:doji.
Angunncdokkcpc appvngci angundag, cmpige:la aima:ncdokkcpc odokkc mc:jvgma:ncdokkcpc okodc:sinci angunmang, buluk asinrungkvdv:dci odokkc mcngcsagcmc:namkvdv:dci mcngkcrcp-mc:mcrcpdag.
kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.
Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.
Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.
Kapcnc akoncm aidag cmna lula tolvgnammc jodi, Ru:ncpvncmc mcnga:nckoncmvlo, bv kinamcm menrasudag kcbang banggotma:pc ipusire:ycm pa:do.
odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.
Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,