AGER KVDVNG 23:10 - ANU LUGOD N. T. (BSI)

¹⁰ Odokkc cdc luka:mvnsunamdc kvnggv:pc bottcnammc, kcba:ba:nc dc, Poulmc bulu tu:nyi tuwumkopc ipakpckc cmna pcsokang, mimagmo nckvdv:dcm gvila bvm sotcr sotcr sogabdopc bulukkolokkcm lulvgto odokkc bvm mimagmonckvdv:dok okumdo:pc langa:to.

AGER KVDVNG 23:10 ပူးပေါင်းရင်းမြစ်များ

JAKOB 3:14

Cmpige:la nolukkc jodi konncmpc ncgo-poggo du:yc odokkc ngowong cmna bottcpc mc:sunamko noluk asinkvdv:do du:yc, bottcpc mc:batsula mc:suyoka odokkc aro agomdcm lume:pc luyoka.

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

AGER KVDVNG 22:24

Kcba:ba:ncdc bvm mimag monckvdv:dc dungkodo:pc langa:dokupc lulvgto, odokkc bvm sabukki dcmna kangkvdopc lulvgto, kapila bulu bvk birudi:pc jc:sangkaji cdcm tadlenpc cmna.

AGER KVDVNG 23:32

Odokkc odok longkondo bulu mimagmonc kvdv:dok dungkodo:pc gvlattoku, bvk lcdulo gure:lo sa:nc tani:kvdv:dcm gvdopc mclvgge:la.

AGER KVDVNG 23:27

Cdc tani:dcm Jiwukvdv:dc ycnggabtungai, odokkc bulu mokepc cmna idungaboi, cdvlo bulukkodo:pc mimag monckvdv:dokki gvto odokkc bvm mopvtto, bv Roman amo:lok tani:yc cmna kinge:la.

AGER KVDVNG 23:16

Cdcmpidodcm Poulkc bvrmclok awodc lc:sula tola du:namdcm tadbegto; cdcmpila bv gvla mimagmonckvdv:dok dungkodo gva:to odokkc Poulmc luto.

AGER KVDVNG 21:37

Poulmc mimag monckvdv:dok dungkodo:pc boma:pc cmna inamc, bv kcba:ba:ncdcm luto, “Ngo o:kaiko nom lula:ycnci?” Odokkc bv luto, “No Girik agomcm kindaglang?

AGER KVDVNG 23:28

Odokkc bvm nvnggcmna lunam agomdcm kinpc cmna mc:la, ngo bvm buluk kcba:do:pc gva:boto.

2 KORINTIANGKVDVNG 11:26

lckko lckko:lo mo:dopc gvddcm, a:nclok pcsopcnamlo, rodkudnclok pcsopcnamlo, ngok avkc tani:kvdv:dokkc pcsopcnamc, Angu Tani:kvdv:dok pcsopcnamc, nogorlo pcsopcnamc, yumra:lo pcsopcnamc, siycnglo pcsopcnamc, lume: lunc bvrokvdv:dokkc pcsopcnamc;

AGER KVDVNG 24:7

Cmpige:la mimagmonc gvgcboncdok bottarya:nc Lisiasbv gva:to odokkc kvnggv:pc morvdla bvm ngoluk alaglokkcm bompakkang.