AGER KVDVNG 22:5 - ANU LUGOD N. T. (BSI)

⁵ kumnam ager gernckvdv:dok bottarya:nclang abv:nc kvdv:dok mondoli:dc ngom ka:nai. Bulukkolok ngo bvrokvdv:do:pc do:jvg adnamcm pa:to, odokkc Damasku:pc gvto sc:kobulu odo dunggaji bulum ycngge:la Jerusalempc bomnangkula mogvtmatpc cmna.

AGER KVDVNG 22:5 ပူးပေါင်းရင်းမြစ်များ

LU:KKC 22:66

Pvang pvla longcnammc, tani:kvdv:dok abv:nckvdv:dc kcba:mopc cmna gvkumsuto, dormo ager gernckvdv:dok bottarya:nckvdv:dc:lang agom adgabya:nckdv:dc; odokkc bulu Bvm buluk kcba: mokopc gva:boto.

AGER KVDVNG 5:21

Odokkc bulu cdcm tadge:la, ro:dcm bulu kumko okumdo:pc gvangge:la luyirto. Cdcmpidodcm dormo ager gerncdok bottarya:nc kvdv:dc:lang bvk lcdulo du:mvnnc kvdv:dc gva:to odokkc kcbang amikdv:dcmlang Israeldok bottarya:nc kcba:dcm gogto, odokkc bulum gogbomdokupc makana:do:pc mclvgto.

1 TIMOTI: 4:14

Nok aman du:ncdcm mc:ya-mc:sayoka, okodcm cdvlo nom lungor lunamkokki bitungaji cdvlo abv:nc kvdv:dok kcba:dc buluk alakkvdv:dcm nokkolo pigapkaji.

AGER KVDVNG 28:21

Odokkc bulu bvm luto, “Judia:dokkcm ngolu nok agomlo oko do:jvgcmsin pa:mang, odokkc so:pc gvnc brokvdv:dok akosinci lukur-lule:bimang, cdcmanggom nok atv aima:ncm nokkcm lubimang.

AGER KVDVNG 26:12

“Cdcmpila ngo Damasku:do:pc gvla kumnam ager gernckvdv:dok bottarya:nc kvdv:dok ilang gvlangcmnang lulvgdcm langge:la gvto.

AGER KVDVNG 26:10

Odokkc ngo cdcmv:pc Jerusalemdo ito; ngo bojcrungko aipc kumnc tani:kvdv:dcm makana:lo tummangongai, kumnam ager gernc kvdv:dok bottarya:nckvdv:dok ilang gvla:namdok do:jvgkokki, cmpige:la cdvlo bulum mokedungaji ngok asincm buluk birudi:pc tolvgka.

AGER KVDVNG 22:1

“Bvrrang kvdvnga odokkc abukvdvnga, ngok lurasunamscm tadtoka okodcm noluk kcra:lo ngo ludu:ji.”

AGER KVDVNG 13:26

“Bvrrang kvdvnga, Abrahamkc ope:lok awangkvdvnga, odokkc nolukkolok sc:kobulu Ru:ncpvncmc pcsodagnc, ngolukkolo:pc sc moturnam lutadscm mclvgtagai.

AGER KVDVNG 9:14

odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”

AGER KVDVNG 4:5

Rokondo buluk migom donckvdv:dc odokkc abv:nc kvdv:dc odokkc ainc agom adgabnc kvdv:dc Jerusalemdo lckopc gvkumsuto,

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

AGER KVDVNG 2:29

“Bvrrang kvdvnga nolum abukvdv:lok abu Dawidkc agomcm mc:tindanna lubila:dung jc bv sikang odokkc agolo lc:to, odokkc silolo:pc bvk agodc ngoluk ara:lo dung.

AGER KVDVNG 3:17

“Odokkc su:pak, bvrokvdvnga, nolu kinma:la agercm ito, noluk migomkvdv:dc:sin imvnnamdcmpc.

AGER KVDVNG 23:1

Odokkc Poulbv, kcba:dcm ka:mi:miri:la kangge:la, luto, “Bvrrang kvdvnga, ngo Ru:ncpvnckc kangkolo appvng mc:namsagnamcm kinna silolo:pc dung.”

AGER KVDVNG 23:6

Cmpige:la Poulbv cdvlo kintoji jc akedc Saddusiai odokkc akedc Parisiyc, bv kcra:do jc:sangkang, “Bvrrang kvdvnga, ngo Parisi:ko, Parisi:lok awoko; sinckvdv:dokkc turkunammc dung cmnamdcm lukamdcmpc tadla ngom kcbangcm ba:dung.”

AGER KVDVNG 26:11

Odokkc kumko okum okumkvdv:do kvnggv:pc bulum dcmto-moto odokkc bulum imur incpc cmna ankvla kangkvto; odokkc buluk birudi:pc kvnggv:pc ipusire:la aglvngcm lv:to, ngo bulum amikc amo:lo:sin mogvtmomatto.

AGER KVDVNG 28:17

Lowum longc lcdudo bv odok du:tc:dok du:nc Jiwu igur-gvgurnc kvdv:dcm gokkumsuto; odokkc cdvlo bulu gvkumsutoji, bv bulum luto, “Bvrokvdvnga, ngo tani:kvdv:dok biru:di:pc okkomsin imanggom ngoluk abukvdv:dok itc-gvtcng ma:dcmpc, ckvdaggom ngom Jerusalemdokkc makana:lo tumnampc Roman alagkvdv:dc tolvgto.

GALATIANG KVDVNG 1:13

Kapila:nc nolu ngok po:pckc Jiwu dormodok du:nam dagnam kindag, kapc ngo Ru:ncpvnckc mondoli:ycm kvnggv:pc ipusire:ycm ikaji odokkc cdcm momvgpc cmna ankvla kangka, odokkc;

PILIPIANG KVDVNG 3:6

Porisi:kvdv:dok lujvg-lurodokkcmpc, mondoli:kvdv:dcm mopen-morennc kvdv:dok asin mc:barla gvya:nc, lugc kama:nam lujvg-lurodokkcmpc dormokannc.