AGER KVDVNG 21:20 - ANU LUGOD N. T. (BSI)

²⁰ Odokkc bulu bvm luto, “Nolu ka:tok, bvrra, Jiwukvdv:dok ara:lo cddv lvngkokopc mc:jvgtoji; bulu appv:dc lujvg lurodok lcgangc dvgdag,

AGER KVDVNG 21:20 ပူးပေါင်းရင်းမြစ်များ

ROMANKVDVNG 10:2

Ngo bulum lukancm lubidu:bong jc bulukkc Ru:ncpvnckc lcgangc mc:pola mc:namc dung, cmpige:la cdc kinnamdcmpc imang.

GALATIANG KVDVNG 1:14

odokkc ngo Jiwu dormodo ngoluk tani:kvdv:dok abvng abvngya:nckvdv:dok bojcrungcmyam ibatgvbatto, ngok abukvdv:dok itcnggvtcng kvdv:dok lcgangc cdcmpcjc ngo anguru:pc gvdunganc.

AGER KVDVNG 22:3

“Ngo Jiwuko, Kilikia:do onamko, cmpige:la so nogorso Gamalielkc kcra:do svsa:nc, ngoluk abukvdv:dok kvnggv:pc lujvgluro lukam-gvkamdcmpc ponamcm posa:nammc, Ru:ncpvnckc lcgangc kvnggv:pc asin dvgla nolu silo longcsok ikamarscmpc.

AGER KVDVNG 15:1

Cmpige:la Judia:dokkc tani:ckkc gvla bvrokvdv:dcm luyirra dungai, “Mose:kc itcnggvtc:dcmpc nolu gatpukma:mvru:lo nolum moturma:yc,”

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

AGER KVDVNG 15:5

Cmpige:la Parisi:kvdv:dok lckopc gvnc mc:jvgla gvmvnnckc dagrobkang odokkc luto, “Bulum gatpukpcnamc, odokkc bulum Mose:kc lujvglurodcm tadtvla du:dopc lupcnammc.”

2 TISSALONIANG 1:10

cdvlo Bv gvyckunc odo longcdo Bvk aipc mc:namkvdv:dok ara:lo amin gvycji, odokkc mcngapla:ma:pc appv:lo ikakupc sc:kobulu mc:jvgtonc, lcga:dc ngoluk nolukkolo lukanbinamdcm mc:jvgto.

AGER KVDVNG 15:24

Nolum agomkokki ngolukkosok tani:ckkcnc mc:dvrmcso:moto cmna ngolu tadla:yam, noluk asinkvdv:dcm mc:sat-sula:ma:la, ngolu bulum oko luyircmsin lukailvgmanggom,

AGER KVDVNG 6:7

Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.

AGER KVDVNG 4:21

Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.

AGER KVDVNG 4:4

Cmpige:la bojcrungc sc:kobulu agomkvdv:dcm tattonc mc:jvgto; odokkc tani:kvdv:dcm kvnamc lvngko anggokvramko idagai.

AGER KVDVNG 2:41

Cdcmpila cdc sc:kobulu bvk agom kvdv:dcm torvgsutoji baptismongcm langapto, odokkc odo baptismongcm bisetla bulu lv:ying awum kvramko yallo idagai.

JO:N 12:24

Aroru:pc, aroru:pc, ngo nolum lubidung, geu a:m apirkonc amo:bo kcdledla sa:ma:sisscm, cdc apirongkopc ila du:dag; cmpige:la cdc simvlo, cdc bojcrungko a:yc e:dag.

LU:KKC 15:32

Mc:pomcngannamdc airu:dagai, kapila:nc sc nok bvrosc sikangai, odokkc turkangku; bv yokkangai, odokkc pa:toku.’ ”

LU:KKC 12:1

Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

GALATIANG KVDVNG 1:24

Odokkc bulu Ru:ncpvncmc amincm gvmoto ngokkokki.

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.