AGER KVDVNG 20:7 - ANU LUGOD N. T. (BSI)

⁷ Longc kvnvddok a:pongarnc longcdo, cdvlo ngolu lckopc pita:dcm penporkapc gvkumsuto, Poulbv bulum luposuto, longkondo gvpakkupc cmna mc:la; odokkc yumc kvdvsudodo:pc bvk agomdcm lutvto.

AGER KVDVNG 20:7 ပူးပေါင်းရင်းမြစ်များ

1 KORINTIANG KVDVNG 16:2

Longc kvnvddok a:pongarnc longcdo, noluk appvngc asudowko langcrla lc:lang odokkc cdcm lcngkumlang, bv bojcbomna gvycpc, odomvlo ngo cdvlo gvycnc bidumsunamcm bipc urkusupcnam kama:ycpc.

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

JO:N 20:19

Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

JO:N 20:1

Cdcmpinamc longc kvnvddok a:pongarnc longcdo Meri: Magdalini:bv gvgordanna agodo:pc gvkang, kcmola du:dodcmci, odokkc vlv:dcm agodokkcm kurpakla lc:dopc ka:begto.

LUNGOR LUNAM 1:10

Ngo Yalodo Ru:tumkc longcdo dungai, odokkc ngok lamkubo ngo bottcru:nc tapungko munnamcmpc scmpc lunam gomugko tadbegto,

AGER KVDVNG 20:11

Odokkc cdvlo Poulbv gvsangkangkuji odokkc pitangcm penporge:la dotonc, bv buluk lcdulo bojc ayirkopc luposuto, pvang pvkuma:sisscm, odokkc cdcmpc gvkangku.

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

AGER KVDVNG 20:9

Odokkc ya:me: ko:ako Iutiku cmna amin minnamko kiriki:do tedla dungai. Poulbv odosin agom lutvla lubarla du:dodcm bv kvnggv:pc yubla yubngaksukang; odokkc yubla yubmotsula:yam, bv awumko tola mosa:nam tayc:dokkc kcdledkang odokkc sidopc la:sa:toku.

LU:KKC 24:35

Odo bulu ali:lambcdo kapc ika:ji bulum lubito odokkc pitangcm penpordodcm kapc Bvm kangkintoji bulu lubito.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 10:16

Akirba:d kanc tv:nanc ko:pdcm okodcm ngolu akirba:d bidonc, cdc Kristokc i:do lckopc tv:bosupcnamma:lang? Cdc pita:dcm okodcm ngolu penpordonc, cdc lckopc Kristokc amvrdo penporbosuma:lang?

AGER KVDVNG 20:31

Cdcmpidag ansu-ka:sutoka, ngo:jc dv:tak tagumkopc yummcm longgcm appvngcm migsidvla ainc agomcm luyirka cmnam mc:pa:tvla.

AGER KVDVNG 2:46

Odokkc longgcm longgcm, kumko okumdo lckopc gvkumsunamcm odokkc buluk okumkvdv:do pitangcm penpansula bulu mc:po:pc odokkc asin akko:pc mc:la apincm dobosuto,

JO:N 20:26

Pi:nyi longc lcdulo, Bvk agom tadjvgla gvmvnnc kvdv:dc lckoda odo okumdo dungai, odokkc Tomabv buluk lcdulo du:tc:dungai, cmpige:la Jisubv gva:la buluk pongkokdo dagmvnto, odokkc luto, “Nolukkolo mc:po mcnganc dungka:langka.”

LU:KKC 22:19

Odokkc Bv pitangko la:to, odokkc Bv aipai bige:la Bv cdcm penporto odokkc bulum cdcm scmpc lula bito, “Sc ngok amvrc okodcm noluk lcgangc bitu:ji.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

MARKKC 16:9

Bv cdcmpc longc kvnvddok a:pongarnc longcdo turlangkula, Bv Magdalini Meri:yarmc lcngkansuto, sckkolokkcm Bv kvnvdkopc uiycm mcnpakkaji.

AGER KVDVNG 16:10

Odokkc cdvlo bv kangordcm ka:toji oddung ngolu Makedonia:pc gvpc cmna mato, Ru:tumbv ngolum tadponc lutaddcm bulum lubita:ka cmna gogtung cmna ru:scgge:la.

AGER KVDVNG 20:5

Troa:do cdcbulu cdcmpc ibomkang odokkc.