AGER KVDVNG 2:40 - ANU LUGOD N. T. (BSI)

⁴⁰ Odokkc bv agom bojcrungkoda lula lukanbito odokkc angu agomkokkisin luyirra bulum luto, scmpc lula, “Nolu av avyc sc yadkuknc opvnsokkcm mopvtsutoka.”

AGER KVDVNG 2:40 ပူးပေါင်းရင်းမြစ်များ

PILIPIANG KVDVNG 2:15

Jc nolu lugcng kama:pc iycpc odokkc imurkama:pc iycpc, Ru:ncpvnckc ommangkvdv:dc koiyyang kama:pc lukcrcp agomlunc odokkc gvmurra gvnc opvnkvdv:dok ara:lo saki:pc dordo, turnamsok agomdcm kvnggv:pc gagla du:la,

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

IPESIANG KVDVNG 4:17

Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm;

2 KORINTIANGKVDVNG 6:17

Cdcmpidag buluk ara:dokkc gvlentoka odokkc bulukkolokkc angutoka, Ru:tumbv ludag, odokkc narc:ma:nc okkomsin gakkvyoka; odo ngo nolum gogrvgsuyc.

METIU 17:17

Odokkc Jisubv lubito, “C:i mc:jvg kama:nc odokkc gvmursula gvnc opvna, ngo cddvlongcko noluk lcdulo du:mvnycn? Cddvko ngo nolum mc:yinsuycncm Bvm so:pc ngokkoso:pc boma:tei”

METIU 16:4

Aisi:ma:nc odokkc aminc:ng langgo:nc ope:yc kanggodko ka:pc cmna madag, ckvdaggom Jona:mc lcngkannam kanggoddok angupc oko kanggodcmsin lcngkanma:yc.” Cmpige:la Bv bulum mcpakto odokkc gvpakgcto.

GALATIANG KVDVNG 5:3

Ngo appvng tani:lo:pc lukanbila lulatla ludung sc:kobv gadpugcm torvgsutakji jc bv lujvglurodcm lukamdcmpc tadpa:ru:yc.

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

METIU 23:33

Nolu tabvkvdvnga, nolu kvnggv:pc dvgnc tabv opvnc, nolu kapc uiamo:pc gvka:langka cmnamdokkcm dugsila:ycn?

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

1 TISSALONIANG 2:11

Kapcnc nolu kindag kapc, bvk ommang kvdv:dok lcdulo abukoncmpc,

2 KORINTIANGKVDVNG 5:20

Cdcmpidag ngolu Kristokc lcgangc lutad lubinc, Ru:ncpvncbv Bv kcbang ba:nam lcgang kumnamcm kumdung ngolukkokki ludung. Ngolu Kristokc lcgangc kumna ludung, Ru:ncpvnckolo lckotokuka.

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

LU:KKC 21:36

Ckvdaggom appvng ayirro ka:sula du:langka, nolujen cdc appv:dc lendodcm dugpvtsunanc tornamcm pa:dopc kumna du:langka, odokkc tani:kc Awodok kcra:lo dagkansula:dopc.”

MARKKC 8:38

Kapila:nc sc:kobvi sc aminc:ng lango:nc odokkc pa:binc ope:kvdv:sok ara:lo ngomlang ngok agom lcgangc anyi:ycnc, bvmsin tani:kc Awodc anyi:ycku, cdvlo Bvk Abukc ka:de:pc angunnc taycng lutad lunckvdv:dokki gvyckuji.”

AGER KVDVNG 20:21

Jiwucmnang Girik kvdvng anyipaklo Ru:ncpvnc kolo:pc asinc mc:dvrra mc:latsukunammcm nang Ru:tum Jisu Kristokolo mc:jvgnammcm.

JO:N 21:25

Okodcmbulum Jisubv gerkaji ckvdaggom bojckoda agomc dung; cdc appv:dcm adya:mvlo, ngo mcngkvdag jc mo:pvsci avdc potindcm adko pv:ma:ya:pc cdcm adya:mvlo.

AGER KVDVNG 20:11

Odokkc cdvlo Poulbv gvsangkangkuji odokkc pitangcm penporge:la dotonc, bv buluk lcdulo bojc ayirkopc luposuto, pvang pvkuma:sisscm, odokkc cdcmpc gvkangku.

AGER KVDVNG 20:9

Odokkc ya:me: ko:ako Iutiku cmna amin minnamko kiriki:do tedla dungai. Poulbv odosin agom lutvla lubarla du:dodcm bv kvnggv:pc yubla yubngaksukang; odokkc yubla yubmotsula:yam, bv awumko tola mosa:nam tayc:dokkc kcdledkang odokkc sidopc la:sa:toku.

AGER KVDVNG 20:2

Odo mo:takdo:pc bv cdvlo gvtonc odokkc bulum airu:pc lusv:lvgnamcm lutonc, bv Girikpc gvto,

AGER KVDVNG 15:32

Odokkc Juda:lang Sila:bv, sc:kobulu av:kvdv:dci lungor lunna:nc, bvrokvdv:dcm bojcrungko agomki luyircm luto odokkc bulum kvnggv:moto.

AGER KVDVNG 10:42

Odokkc Bv tani:kvdv:dcm lutadgo:bidopc ngolum lulvgto, odokkc lukanbidopc jc Bv cdc Ru:ncpvnckokki vrnamdc turra du:nc kvdv:dcmna: sinkvdv:dok kcba:ba:ncpc.

METIU 12:34

Nolu angupc dvgnc tabv opvnc! Nolu kapc ainc agomcm lula:ycn, nolu aima:pila du:tula? Kapcnc asinbo pv:namko mc:nam du:la:mvn nappa:dc ludang.

LU:KKC 16:28

kapila:nc ngokkc bvro anggoko dung, bv bulum lutadno:doc, ckvma:mvlo bulusin sc ipusire: pangkoso:pc gvpckc.’

AGER KVDVNG 4:36

Cdcmpc Josepbv sc:kom mclvgla ager germonamkvdv:dc Barnaba cmna mintcmna amincm mintagaji (okodc a:ng pvtadopc luncdok Awo cmdaganc,)