AGER KVDVNG 2:4 - ANU LUGOD N. T. (BSI)

⁴ Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

AGER KVDVNG 2:4 ပူးပေါင်းရင်းမြစ်များ

METIU 10:19

Cdvlo bulu nolum togc:ycnc, kapc nolu agom lupcnammcnc cdcmanggom okkom nolu lupcnammcnc odok lcgangc mc:dvryok, kapila:nc okodcm nolu lupcnammcnc cdcm nolum odo ayirdo biyc.

MARKKC 16:17

Odokkc mc:jvgnckvdv:dok lcdulo sc: kanggodkvdv:sc gvmvnycpc; ngok aminno bulu uiycm mcnpakyc; bulu anu ayoki agomcm luyc;

LU:KKC 1:15

Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

LU:KKC 1:41

Odokkc Elijabetbv Meri:kc kumrvgsunamdcm tadbegnammci, bvk aki:ara:bok ko:dc sumcsumkurkang;

LU:KKC 1:67

Odokkc bvk abu Jakaria:bv Angunnc Yalodc gagla, odokkc lungorcm luto, scmpc lula,

LU:KKC 12:12

kapila:nc Angunnc Yalodc nolum odo ayirardo okkom no lupcnammcji luyirycpc.”

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

LU:KKC 4:1

Odokkc Jisub, Angunnc Yalodc pa:la:yam Jordandokkc gvlattoku odokkc yi:pi: longckopc yumra:lo Yalodc gvbola du:to,

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

JO:N 20:22

Odokkc Bv cdvlo cdcmpc lutonc, Bv bulum ngalvgla luto, odokkc bulum luto, “Angunnc Yalodcm torvgsutoka.

AGER KVDVNG 1:5

“Nolu ngokkolok tadtobong, kapila:nc Jo:nbv asikokki baptismongcm bito, cmpige:la bojc longcko ima:dapc nolum Angunnc Yalokokki baptismongcm biyc.”

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

AGER KVDVNG 10:46

Kapila:nc bulu bulum angu-angu agomcm ludopc tatto Ru:ncpvncmc airu:pc aidag cmna lubonna lula: lula.

AGER KVDVNG 10:47

Odokkc Pitorbv lukanbito, “Sc:kaiyc asidcm motumma:yclang sc tani:kvdv:scm baptismo bimoma:pc sc:kobulu ngolugvngkcmpc Angunnc Yalodcm torvgsutoji?”

AGER KVDVNG 11:15

Ngo agomdcm lurobbomnamc, Angunnc Yalodc buluk tayc:lo dc:yi:kang ngolukkolo dc:yingarpo:dodcm ikamardcmpc.

AGER KVDVNG 11:24

Kapila:nc bv ainc tani:kai, Angunnc Yallolang mc:jvgc bi:danpc du:nc. Odokkc bottaru:nc mc:jvgnc kcrcngkonc Ru:tumkolo:pc gvsedangkang.

AGER KVDVNG 13:52

Odokkc agom tadjvgla gvmvnnckvdv:dc mc:pola:la Angunnc Yalodc pa:la bingkang.

AGER KVDVNG 13:9

Cdcmpila Soulbv sc:kom Poul cmna gogtungaji, Angunnc Yalodokki bi:la bvm ka:mi:miri:la ka:to odokkc luto,

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

AGER KVDVNG 19:6

Odokkc cdvlo Poulbv bulum alagcm pigabla kumtonc, Angunnc Yalodc bulukkolo:pc pvngangkang; odokkc angu angu agomki agomcm luto odokkc lungor agomcm luto.

AGER KVDVNG 2:11

Kretan kvdv:dc odokkc Arabi kvdv:dcm, ngolu bulum noluk avkc agomlok ludopc tadbegdung Ru:ncpvnckc bottcru:nc ager gernamcm.”

AGER KVDVNG 2:3

Odokkc odo bulum vmmcmpc ayokvdv:dc lcngkansuto, dorbu:la odokkc buluk appv:dok ako akolok tayc:lo dcnggabamkang.

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

AGER KVDVNG 4:8

Odo Pitorbv, Angunnc Yalodc du:bomdanna du:la, bulum luto,

AGER KVDVNG 6:3

Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji.

AGER KVDVNG 6:5

Odokkc bulu okodcm lutoji tani: kcrcng appv:dcm mc:lvgsumoto, odokkc bulu Stipenmc balento, mc:jvgc bi:nc odokkc Angunnc Yallo bi:nc tani:ko, odokkc Pilipbv, Prokoru:bv, Nikanor, Timon, Parmenas, Nikolaubv, Antiokdokkc dormo langkonsunckonc.

AGER KVDVNG 6:8

Odo Stipenbv, ayangclang ager ilang-gvlangc pv:la, bottcru:nc mcngapla:ma:nam agercmlang kanggodcm tani:kvdv:dok ara:do lcngkanto.

AGER KVDVNG 7:55

Cmpige:la bv, Angunnc Yalodokki pvnamkopc pa:la, taycngto:pc ka:sa:to odokkc Ru:ncpvnckc ungjv:cm ka:begto, odokkc Jisumc Ru:ncpvnckc lagbvkpc dagla du:dopc ka:to;

AGER KVDVNG 8:17

Odokkc bulu buluk tayc:lo alagkvdv:dcm pigabamto odokkc Angunnc Yalodcm torvgsuto.

AGER KVDVNG 9:17

Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.”

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

1 KORINTIANG KVDVNG 12:10

akonkoncm mcngapla:ma:nam ager gernamcm, akonkoncm lungor lunamcm, akonkoncm yalokvdv:dcm angu angupc kangkinna lubila:dopc, akoncm angu angu agom lula:namcm akondcm agom lunamkvdv:dcm lukurbila:dopc.

1 KORINTIANG KVDVNG 13:1

Ngo jodi tani:kvdv:doklang taycng lutad lunckvdv:dok agomkokki agomcm luyc, ckvdaggom aipc mc:namc kama:yc, ngo bc:la du:nc bottcnc arcm aborko cdcmanggom tubla bc:nc lu:pe.

1 KORINTIANG KVDVNG 13:8

Aipc mc:namc cdvlosin mc:tcrsumang; lungor lunam kvdv:dokkcpcdan, cdcbulu lungasuyc, kinnamdokkcpc, cdc yogpakyc.

1 KORINTIANG KVDVNG 14:18

Ngo Ru:ncpvncmc aipai bido jc ngo nolug appv:dcmyam abayangko angu agomki agomcm ludo.

1 KORINTIANG KVDVNG 14:5

Su:pak ngo nolu appvngcm angu agomki lutoka cmna mc:dag, cmpige:la cdcmyam luya:toka. Sc:kobv lungorcm ludonc sc:kobv angu agomki ludonc bvm bottaya:dag, sc:koiyc lukonsubiru:ma:mvlo, odomvlo jen mondoli:dc aiya:la gvdopc.

IPESIANG KVDVNG 3:19

Odokkc Kristokc aipcmc:namdcm kindopc okodo kinnamcm gvbadya:dagji, nolujen Ru:ncpvnckc appvng binamcm bi:ycpc.

IPESIANG KVDVNG 5:18

Odokkc apongcm tv:la tvngvrsuncpc iyoka, kapcnc cdc aima:nc ka:bo-mc:bonammc;

IPESIANG KVDVNG 6:18

Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna,

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

2 PITOR 1:21

kapcnc oko lungor lunam agomcsin tani:lok avkc asin mcngkampc lenmang, cmpige:la tani:kvdv:dc Angunnc Yalodokki mowula Ru:ncpvnclokkc luto.