AGER KVDVNG 2:39 - ANU LUGOD N. T. (BSI)

³⁹ Kapila:nc pesula lunamdc nolukkcpc odokkc noluk ommang kvdv:do:pc odokkc mo:tc:pc du:nc kvdv:do:pc, Ru:tumdc ngoluk Ru:ncpvncbv Bvkkolo:pc gogangkunam appv:dcm.”

AGER KVDVNG 2:39 ပူးပေါင်းရင်းမြစ်များ

ROMANKVDVNG 8:30

Odokkc cdc sc:kobulum bv po:pcbong ru:lvgtoji bv gogtosin; odokkc cdc sc:kobulum bulu gogtoji Bv ainc cmna kcbang ba:tosin, odokkc cdc sc:kobulum bv ainc cmna kcbang ba:toji bv amincmsin gvmoto.

IPESIANG KVDVNG 4:4

Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc,

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

LUNGOR LUNAM 19:9

Odokkc taycng among lutad luncdc ngom luto, “Scm adtok: cdcbulu akirba:d pa:nc sc:kobulum Awome:rsobendc mida:dok donamtv:namdo:pc gogtagji.” Odokkc bv ngom luto, “Sc:bulu Ru:ncpvnckc aropaknc agomc.”

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

HIBRIUKVDVNG 9:15

Cdcmpidag Bv anu lugodkolok pongkokdo dungge:la igurbincdc, odomvlo jen cdc sc:kobulum gogtu:nc lo:dv-longkvpc dungkunamdok pesunamdcm pa:ycpc, sinamko a:la:yam okodc lupo:nam lugodokki buluk imur-siyarkvdv:dokkcm rcpvttagji.

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

ROMANKVDVNG 11:29

Kapila:nc amandc:lang odokkc Ru:ncpvnckc gognamdc angu angumang.

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

1 KORINTIANG KVDVNG 7:14

Kapila:nc mc:jvgma:nc milbo:dc bvk nc:dokki angunncpc idag, odokkc mc:jvgma:nc nc:dc bvk milbo:dokki angudag. Ckvma:mvlo, noluk ommangkvdv:dc narc:ma:yc, cmpige:la cdcmpc ila bulu angundag.

2 TISSALONIANG 1:11

Odok lcga:pc ngolu lo:dvscm noluk lcgangc kumdo, jc ngoluk Ru:ncpvncbv Bvk gognamdcmpc arckapc imodopc, odokkc appvng ainc agom lulen luangcm odokkc mc:jvglok agercm Bvk ilang gvlangkokki gerpvtdopc,

ROMANKVDVNG 9:24

Jiwu kvdvngodokkcmmang cmpige:la Angu tani:kvdv:dokkcmsin?

ROMANKVDVNG 9:4

Bulu Israeldo du:nc, odokkc bulu awo omma:pc idag, amin gvnamdc, ru:scg lujvg lurodc:bulu, lujvg lurodcm binamdc, kumnamdc;

AGER KVDVNG 15:14

Simionbv lukanbito kapc Ru:ncpvncbv Bvm kinma:nckvdv:dcm gvla ka:toji, bulum Bvk amin lcgangc la:lenpc.

AGER KVDVNG 15:3

Cdcmpila, mondoli:dc bulum buluk lambcdo mclvgnammc, bulu Poenisiangdoklang Samaria:dok gvpatla gvto, Angu tani:kvdv:dcmsin asin mc:latsulangkula gvangkunamdok agomcm lubi lubila, odokkc bulu bvrrangkvdv:dcm kvnggv:pc mc:pom bito.

AGER KVDVNG 14:27

Odokkc cdvlo bulu ko:pv:toji, bulu mondoli:dok tani:kvdv:dcm lckko:pc gokkumsuto odokkc Ru:ncbv bulukkokki gernam appv:dcm lubiamtoku, odokkc kapc Bv tani:kvdv:dok ara:lo mc:jvglok yabgoko moge:toji.

AGER KVDVNG 10:45

Odokkc gadpuknam kvdv:dok mc:jvgnckvdv:dc sc:kobulu Pitorkc lcdulo du:mvndungaji mc:la mcngabla:tomang, lcga:dc Angu opvn kvdv:dok tayc:lo:sinci Angunnc Yalodok amancm bito.

IPESIANG KVDVNG 2:12

Mc:pa:langka jc nolum odo ayirdo Kristokolokkc angumotagai, Israeldok migomdokodok tani: kvdv:dokkc angula du:motungai, odokkc pesula lugot lunamdokkcpc angu amo:lok kangkinma:nam tani:kai,