AGER KVDVNG 2:38 - ANU LUGOD N. T. (BSI)

³⁸ Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

AGER KVDVNG 2:38 ပူးပေါင်းရင်းမြစ်များ

AGER KVDVNG 22:16

Odokkc no kapila su:pak toya:la du:n? Darobtok odokkc baptismongcm la:to, odokkc nok pa:pkvdv:dcm Bvk amincm minna vrpu:tok.

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

AGER KVDVNG 8:12

Cmpige:la cdvlo bulu Pilipkc lutad lubinamdcm mc:jvgtoji bv Jisu Kristokclang Ru:ncpvnckc migom doko mo:pvdok lutad lubila, bulu baptismongcm la:to, nc:ngcla: milbongkvdv:dc.

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

AGER KVDVNG 10:48

Odokkc bv bulum lulvgto Jisu Kristokc aminno baptismo la:dopc. Odo bulu bvm buluk lcdulo asudowko du:mvndopc kumna luto.

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

ROMANKVDVNG 6:3

Nolu kinma:nci jc ngolu appvngc sc:kobulu baptismongcm Kristo Jisukolo la:tonc Bvk sinamlo la:to cmna?

METIU 4:17

Odo ayirdokkc Jisubv lutadcm luyirrobbomkang, scmpc lula, “Asinc mc:dvrra mcngkutsutokuka, kapila:nc taycngamong migom dokodc pvnga:dandubong.”

METIU 3:2

“Mc:dvrra mcngkutsutoka, kapila:nc taycng amo:dc anindanka:bong.”

AGER KVDVNG 17:30

kinma:pc du:nam ayirdcm Ru:ncpvncbv mc:yinsutobong, cmpige:la su:pak appv:lo Bv tani: appvngcm asin mcdvrla mc:latsutokuka cmna lulvgcm ludag,

AGER KVDVNG 20:21

Jiwucmnang Girik kvdvng anyipaklo Ru:ncpvnc kolo:pc asinc mc:dvrra mc:latsukunammcm nang Ru:tum Jisu Kristokolo mc:jvgnammcm.

AGER KVDVNG 26:20

cmpige:la Damasku:dokkc kvdv:do:pc lutadbipo:to odokkc, odokkc Jerusalemdokkc kvdv:do:pc odokkc Judia:dok dunggong do:lung appv:do, odokkc Angu tani:appv:do, bulu jen asinc mc:dvrra mc:latsulangkula Ru:ncpvnckolo:pc gvlatyckupc odokkc buluk mc:dvrra mc:latsukunamdcmpc agercm gerycpc.

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

TITUS 3:5

ngoluk dormokanam ngoluk ainc ager gernamong kokkimang, cmpige:la Bvk avkc mc:yinsunam aipc mc:jongkokkimvn, opvnkvdv:dcm vrpu:namdokki odokkc Angunnc yalodokki anumonamkokki,

MARKKC 1:15

“Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

AGER KVDVNG 16:15

Odokkc bvm cdvlo baptismo bitoji, bvk crang appv:dokki lckopc, bv ngolum kumna luto, scmpc lula, “Nolu ngom Ru:tummc mc:jvgla mc:ncko cmna mc:tomvlo, ngok okumpc gvla du:ta:ka.” Odokkc bv ngolum airu:pc lutvto.

AGER KVDVNG 8:20

Cmpige:la Pitorbv bvm luto, “Nok murko:dc noggvngkolo omvgosvg ka:langka, kapila:nc no mc:dungai Ru:ncpvnckc aya:la binam amandcm murkongkokki pa:la:ycpc cmna!

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

METIU 3:6

Odokkc bulu bvkkolo Jordan a:ncdo av avkc pa:bkvdv:dcm lude:yamsuge:la baptismongcm la:to.

LU:KKC 3:10

Odokkc yadkumsunc tani:kvdv:dc bvm tawuto, “Cmpcmvlo ngolu kapc iycn?”

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

AGER KVDVNG 13:38

Cdcm nolu kinka:langka cdcmpidag, bvrrangkvdvnga, jc cdc tani:dc pa:bcm mc:yinsukunam do:yingcm nolum lutadbidaggom,

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,