AGER KVDVNG 2:33 - ANU LUGOD N. T. (BSI)

³³ Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

AGER KVDVNG 2:33 ပူးပေါင်းရင်းမြစ်များ

AGER KVDVNG 1:4

Odokkc odo buluk lcdulo du:dodcm Bv bulum Jerusalemdcm mcge:la gvpakma:dopc luto, cmpige:la Abudok pesubinamdok lcgangc toya:la du:dopc luto, okodcm, Bv luto,

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

AGER KVDVNG 2:17

‘Odokkc gvngab longcdo cdcmpc iyc Ru:ncpvncbv luto, jc Ngok Yallom ngo tani: opvn appv:lo to:rumlvgyc, odokkc noluk awokvdv:dc odokkc noluk omckvdv:dc lungor agomcm lugo:yc, odokkc noluk ya:me ko:kvdv:dc kangorcm ka:yc.

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

MARKKC 16:19

Cmpige:la Ru:tum Jisubv, bulum Bv lungapdodcm taycng amo:c bompakkangku, odokkc Ru:ncsa:nckc lagbvgpc tedkang.

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.

GALATIANG KVDVNG 3:14

Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

AGER KVDVNG 10:45

Odokkc gadpuknam kvdv:dok mc:jvgnckvdv:dc sc:kobulu Pitorkc lcdulo du:mvndungaji mc:la mcngabla:tomang, lcga:dc Angu opvn kvdv:dok tayc:lo:sinci Angunnc Yalodok amancm bito.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

JO:N 14:16

Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,

1 PITOR 1:21

Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

HIBRIUKVDVNG 10:12

Cmpige:la cdvlo Kristobv appvng ayirlok pa:p lcgangc palvgcm akkongkopc bito, Bv Ru:ncpvnckc alag lagbvgpc tedkang,

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

TITUS 3:6

okodcm Bv ngoluk tayc:lo mircmpc Jisu Kristo ngoluk Moturncdokki pvrumlvgtojc,

IPESIANG KVDVNG 4:8

Cdcmpila cdcm lutag, “Cdvlo Bv taycng amo:pc dc:sangkangkunc Bv makana:lo ycngabla lc:namkvdv:dcm gvbokangku. Odokkc Bv tani:kvdvngcm amancm bito.”

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

IPESIANG KVDVNG 1:13

Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

HIBRIUKVDVNG 2:9

Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.