AGER KVDVNG 19:9 - ANU LUGOD N. T. (BSI)

⁹ ckvdaggom cdvlo akke asin torla odokkc mc:jvgtoma:nc, Lambcdok agomcm aimang cmna mondoli:dok tani:kvdv:dok tadkolo lutoji, bv bulukkolokkc gvpakkang, bvk lcdulo agom tadjvgla gvmvnnc kvdv:dcm gvbola, odokkc Tiranu:dok gvkumsuko okumdo longgcm agomcm svkka:mvnsuto.

AGER KVDVNG 19:9 ပူးပေါင်းရင်းမြစ်များ

AGER KVDVNG 19:23

Odo ayirdo Lambcdok lcgangc adjio:kosin lumvnsunam kamangai.

AGER KVDVNG 9:2

gvkang odokkc Damasku:dok kumko okum kvdv:do:pc do:jvgko jvgdopc koto, odomvlojen cdc Lambcdok gvnc tani: pa:namdcmci, milbo:daggom nc:daggom, bv bulum Jerusalempc yc:bomla:dokupc.

2 PITOR 2:12

Cmpige:la sc:kobulu, okkomsin kinma:nc simvncmpinc kvdv:dc, simvnsirapc ru:namkvdv:sc, sogabge:la mokedopc onamkvdv:dc, bulu okodcm kinma:nc cdc agerkvdv:dcm ge:la aima:pc lula, cdc mokekamv:dcmpc buluk lcdulo mokeycpc.

AGER KVDVNG 14:4

Cmpige:la nogordok tani:kvdv:dc gvpansukang; akedc Jiwukvdv:dokkcpc kckang, odokkc akedc mclvgla ager gerdop tolvgnamkvdv:dok kcrc:pc.

JU:D 1:10

Cmpige:la sc tani:kvdv:sc ge:dag aima:pc lugc gcdag okodcmci bulu mc:ngkinma:ji, odokkc cdc attardokki jc bulu kindag aginpc mcngkampc mc:nam gvnamki kapc okkomsin kinma:nc simvnkvdv:dc idagji, bulu mokkeyamkosudag.

2 PITOR 2:2

Odokkc bojcrungc buluk ka:bomc:bonammcm ka:bomc:bomvnyc, odokkc buluk lcgangongc arodok lambcdc aima:si:ma:pc lunampc iyc.

HIBRIUKVDVNG 3:13

Cmpige:la akoncm akonc longgcm longgcm luyirmvnsulang, cddvlo:pc “silo” cmna luycji, jc nolukkolok sc:kosin pa:pdok yadnamdokki asin torma:ycpc.

1 TIMOTI: 6:5

odokkc tani:kvdv:dok ara:do agomcm luker luyermvnsula sc:kobulu asinbo aisi:ma:pc idagji odokkc bojc longcko arolo du:ma:ji, mcngkvla ka:dagjc dormokala du:namdc atvko la:bpc pa:namc.

ROMANKVDVNG 11:7

Cmpcmvlo okkon? Israeldc cdc okkom makaji pa:la:tomang. Balennamdc cdcm pa:to, cmpige:la du:paknckvdv:dcm tormoto,

ROMANKVDVNG 9:18

Cdcmpila cmpcmvlo Bvkkc ayangabbo dung sc:komci Bv mc:dagji, odokkc Bv sc:komci mc:dagnc asincm tormodag.

AGER KVDVNG 22:4

So lambcsok gvnckvdv:dcm ngo sigcdopc mogvtomomatto, ycnggabamge:la bulum makana:lo:pc tumlvgla nc:ngcmna milbongcm anyipagcm,

AGER KVDVNG 7:51

“C:i lv:pong vyodla:ma:nc tani:kvdvnga, asina:ngcmna yerung kvdv:dcm gadpukma:namkvdvnga, nolu lo:dvscm Angunnc Yalodcm motumdag. Noluk abukvdv:dc kapc ikaji, nolusin idag.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

2 TIMOTI 3:5

dormo incpc ido cmpige:la odok ilang-gvla:dcm lupaksunnc. Cdcmpinc tani:kvdv:dcm jonsuyok.

2 TIMOTI 1:15

No kinna dung jc Asia:do du:nc appv:dc ngokkolokkc gvpakka, odokkc buluk ara:lok Pigelu:bv odokkc Hermogenebv.

AGER KVDVNG 28:22

Ckvdaggom ngolu nokkolokkcm tadpc mc:dag nok mc:nam sagnam kvdv:dc okkoji; kapcnc sc ope:sok agomcm ngolu kindagjc appv:lo birudi:pc ludag.”

AGER KVDVNG 24:21

cddo:ma:mvlo ngo buluk kcra:do jcsa:namdcmong, ‘Sinckvdv:dok turkunamdok turkunam agomki ngom silo kcba: ba:pcnampc idung.’ ”

AGER KVDVNG 20:31

Cdcmpidag ansu-ka:sutoka, ngo:jc dv:tak tagumkopc yummcm longgcm appvngcm migsidvla ainc agomcm luyirka cmnam mc:pa:tvla.

AGER KVDVNG 19:30

Poulbv yadkumsunc tani:kvdv:dok ara:do:pc gva:lv:dagai, cmpige:la agom tadjvgla gvmvnnc kvdv:dc bvm gvmvnmotomang;

AGER KVDVNG 17:4

Odokkc bulukkodok akedcm lula mcnga:moto odokkc Poulkclang Sila:kc lcdulo lckokang; Girik kvdv:dok mcnggab garabnc kvdv:dc odokkc nc:ng kvdv:dok bottc bottcnc kvdv:dc.

AGER KVDVNG 11:26

odokkc bvm cdvlo pa:toji, bvm bv Antiokpc gvbotoku. Dv:takpagdo bulu mondoli:dok lcdulo du:mvnto, odokkc tani:kvdv:dok bottcru:nc kcrcngcm poyirto; odokkc Antiokardo agom tadjvgla gvmvnnckvdv:dcm Kristanc cmna gogpo:to.

JO:N 12:40

“Bv buluk amikkvdv:dcm migluammoto, odokkc asinkvdv:dcmsin tormoto, ckvma:mvlo bulu ka:pa:yc buluk amikkvdv:dokki odokkc buluk asinkvdv:dokki mcngkinyai, odokkc ngokkolo:pc gvlat yangkui bulum ka:pvtdokupc.”

METIU 26:55

Odo ayirdo Jisubv yadkumsunc tani:kcrc:dcm luto, “Nolu Rotkutnc akoncm mcnna gvdu:ncmpci gvdu:n, madsvgkokki odokkc dangi:ycm bomla ngom sogapkapc cmna? Longgcm longgcm ngo kumko okumdo luyirla dungka, odokkc nolu ngom ycnggatomang.

METIU 16:4

Aisi:ma:nc odokkc aminc:ng langgo:nc ope:yc kanggodko ka:pc cmna madag, ckvdaggom Jona:mc lcngkannam kanggoddok angupc oko kanggodcmsin lcngkanma:yc.” Cmpige:la Bv bulum mcpakto odokkc gvpakgcto.

METIU 15:14

Bulum atcro:pc gvmotok; bulu miglunc gvgcbonnc. Odokkc miglunc tani: akonc miglunc tani:akoncm gvbomvlo, anyipakdc jiko:lo owa:yc.”

1 KORINTIANG KVDVNG 16:9

Kapila:nc ngokkcpc pontaru:nc yabgoko ager sa:nc agerko kuge:kang odokkc clc bojcrungko miruc dung.