AGER KVDVNG 19:26 - ANU LUGOD N. T. (BSI)

²⁶ Odokkc nolu ka:tok odokkc tadtok jc Ipesuo:do:mang cmpige:la Asiang appv:do:sin sc Poulbv agomcm mcnga:moto odokkc pv:namkopc tani:kvdv:dokkcm ajoncm gvyotmoto, scmpc lula jc alakkokki monam uikvdv:dc uimang.

AGER KVDVNG 19:26 ပူးပေါင်းရင်းမြစ်များ

1 KORINTIANG KVDVNG 8:4

Cdcmpidag, monam moimangcm binamcm donamcm donamdcm, ngolu kindag “Jc monam moimangdokkc aro:ru:pc du:namc kamang,” odokkc “Ru:ncpvnc kamang cmpige:la akkongko.”

AGER KVDVNG 17:29

“Ru:nc pvnckolokkc lenncpc ige:la, ngolu mc:pa:mang jc taycngtok Ru:ncpvncdc avncmpc idag cmna, cdcmanggom silborcmpc; cdcmanggom vlvngcmpc, modun mola molennamdc dunggc:bila odokkc tani:lok mc:len mcngangai,

LUNGOR LUNAM 9:20

Tani: rcngamsok akedc, sc:ko bulum moketoma:ji cdc joar a:la sinam kvdv:dokki buluk alakki ager gernamkvdv:dok lcgang asinc mc:dvrra mc:latsutomang cdcmanggom uiycm kumtvnammcm odokkc avn moimangcmbulum odokkc pitolcm odokkc vlvngcm odokkc vsvnglokki monamc, okodc:bulu ka:begla:sinmang odokkc tadbegsinmang odokkc lambcmsin gvla:mang;

AGER KVDVNG 19:10

Cdc dv:tak anyikopc itvkang, odoyam Asia:dok du:nc-dagnc appv:dc Ru:tumkc agomdcm, Jiwuclang Girik anyipagc tadbegto.

AGER KVDVNG 14:15

Ngolusin tani:yvngc, nolugvngkcmpc innc, odokkc nolum tadponc lutadko bombitung, nolujen scm cmmum ager sokkc turnc Ru:ncpvnckolo:pc gva:yckupc sc:kobv taycng amo:tcmna mo:pvscm ru:tu:ji odokkc siycngcmna odok du:nc appv:dcm.

1 TISSALONIANG 1:9

Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc.

GALATIANG KVDVNG 4:8

Po:pc, cdvlo ngolu Ru:ncpvncmc kinmangaji, nolu yc:la lc:namai sc:kobulu mc:nam-sagnamlo ru:ncpvncmangai.

1 KORINTIANG KVDVNG 12:2

Nolu kindag jc nolu cdvlo ui-kumna:ji nolu agom luma:nc monam moimang kvdv:do:pc gvyodbola gvtungai, cdcmpc idag imanggom nolum gvnampc idungaboi.

AGER KVDVNG 18:19

Odokkc bulu Ipesu:pc gvto, odokkc bv bulum odo mcpakto; cmpige:la bv avdc kumko okumdo:pc gvto odokkc Jiwukvdv:dokki agom svkka:mvnsuto.

AGER KVDVNG 19:1

Apollo:bv Korintodo du:dodcm, Poulbv dagdung mo:tak-dok gvko:la gvto odokkc Ipesu:do:pc gvto. Odo bv agom tadjvgla gvmvnnc tani:ckkc pa:to.

AGER KVDVNG 19:25

cdcmbulum bv lckko:pc ager gernc tani:kvdv:dokki langkumsuto, odokkc luto, “Tani:kvdvnga, nolu kindag jc sc konam-rcnamsokki ngolu mitc-mircmcm pa:dag.