AGER KVDVNG 19:22 - ANU LUGOD N. T. (BSI)

²² Odokkc Makedonia:pc bvk idum-gvdumsunc anyiko, Timoti:mc:lang Irastu:mc, mclvgge:la bv avdc Asia:do asudo:ko du:to.

AGER KVDVNG 19:22 ပူးပေါင်းရင်းမြစ်များ

2 TIMOTI 4:20

Irastu:bv Korinto:do dungkang; Tropimu:bvm ngo Miletu:do lc:to.

ROMANKVDVNG 16:23

Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag.

AGER KVDVNG 19:29

Cdcmpila nogordc mc:murmc:yarsukang; odokkc bulu lckko:pc so:ng mokodo:pc dugangkang, buluk lcdulo Gaiumclang Aristarkumc soa:bomna, Makedonia kvdv:dcm sc:kobulu Poulkc ajona:ji gvdodcm.

AGER KVDVNG 19:10

Cdc dv:tak anyikopc itvkang, odoyam Asia:dok du:nc-dagnc appv:dc Ru:tumkc agomdcm, Jiwuclang Girik anyipagc tadbegto.

AGER KVDVNG 18:5

Cdvlo Sila:bv:lang Timoti:bv Makedonia:dokkc gvpv:tonc, Poulbv lutad lubila lumi-miri:la dungai, Kristobv:jc Jisubvai cmna Jiwukvdv:dcm lukan lubila dungai.

AGER KVDVNG 16:3

Poulbv Timoti:mc bvm gvjonsudopc mato; odokkc bvm bv goga:to odokkc odok mo:takdok Jiwukvdv:dok lcgangc bvm gadpukto, kapila:nc bulu appv:dc kindagai jc bvk abudc Girikkai.

AGER KVDVNG 16:1

Odokkc bv Derbi:do:pclang Listra:do:pcsin gvto odo agom tadjvgla gvmvnnc tani: ako dungai, Timoti: cmnamko, Jiwu nc:ng akodok awokonc sc:kobv mc:jvgnc tani:ka:ji; cmpige:la bvk abudc Girikkai.

AGER KVDVNG 13:5

Bulu cdvlo Salami:pc ko:pv:toji, bulu Jiwukvdv:dok kumko okumkvdv:do Ru:ncpvnckc agomcm lutadbigo:to. Odokkc buluk lcdulo Jo:nbv bulum gvdumsupc dungai.

1 TISSALONIANG 1:8

Kapila:nc nolukkolokkc Ru:tumkc agomdc Makedoniang do:pclang Akaiango:do:pc gvtomang, cmpige:la noluk Ru:ncpvnckolo mc:jvgdc appv:lo:pc gvngapkang, cdcmpcjc ngolu okkomsin lupcnampc itomang.

2 KORINTIANGKVDVNG 8:1

Ngo nolum kintoka cmna mc:dag jc, bvrokvdvnga, Ru:ncpvnckc aya:dcm okodcm Makedonia mondoli:do lcngkankaji.

2 KORINTIANGKVDVNG 1:16

ngo nolum ngok Makedonia:pc gvdodcm gvka:la ka:lv:tagai, odokkc nolukkolo:pc Makedonia:dokkc gvlatlangkula odokkc ngok Judia:pc gvko lambcdok ngom gvlvgkosupc.

AGER KVDVNG 20:1

Cdc jcngka:mvnsunamdc gvbatnammc, Poulbv agom tadjvgla gvmvnnc kvdv:dok lcgangc mclvgto odokkc bulum luyirge:la bulum mcto odokkc Makedonia:pc gvkang.

2 KORINTIANGKVDVNG 11:9

Odokkc cdvlo ngo noluk lcdulo du:mvndungaji odokkc madodcm du:mvndungaji, ngo sc:komsin jongcsumomangai, kapila:nc ngok manamkvdv:dcm bvrokvdv:dokki mclvgbika sc:kobulu Makedonia: dokkc gvkaji. Cdcmpidag ngo motumsuto odokkc kapcsin sc:komsin jo:namko jo:dopc motumsuyc.

2 KORINTIANGKVDVNG 2:13

Cmpige:la ngok asinc mc:rasula:tomang Kapila:nc ngok bvro Titumc olo ngo pa:tomang, cdcmpila ngo bulum mcpakto odokkc Makedonia:pc gvto.

AGER KVDVNG 19:21

Cdcmpc odok inamkvdv:dok lcdudokkc Poulbv Yalodokki Makedonia:pc asinc mcnguto odokkc Akaia:pc odokkc Jerusalempc gvdopc, scmpc lula, “Ngo olopc gvge:la ngo Romclcmsin ka:pcru:nammc.”

AGER KVDVNG 20:34

Nolu avdc av avkvdv:dc kinsudag jc sc ngok alagsc ngoluk manam kvdv:dcm la:lenamto, odokkc cdcm ngok lcdulo du:mvnnc kvdv:dok lcgangc.

2 KORINTIANGKVDVNG 8:19

Odokkc cddo:mang, cmpige:la bvm mondoli:kvdv:dc bitag ngoluk lcdulo gvmvndopc sc ayangkanc agerscm okodcm ngolu gerra gvgcbomdu:ji, Ru:tumkc amin gvnam lcgangc odokkc ngoluk ainc asin mc:namcm lcngkanpc.