AGER KVDVNG 18:8 - ANU LUGOD N. T. (BSI)

⁸ Kripu:bv, kumko okumdok migom doncdc, Ru:tummc mc:jvgto, bvk okum crang appv:dokki lckopc; odokkc Korintodok kvdv:dok bojcrungc Poulkc lunam kvdv:dcm tadtvla mc:jvgto odokkc baptismongcm la:to.

AGER KVDVNG 18:8 ပူးပေါင်းရင်းမြစ်များ

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

MARKKC 5:22

Odo kumko okumkolok ka:dapbomnc Jair cmna minnamkonc gvdo; odokkc Bvm ka:begge:la, bv Bvk alcdo tunga:to, odokkc Bvm kumna luto, scmpc lula,

MARKKC 5:35

Bv agom lula du:dodcm ka:sv:ncdok okumdokkc tani:ckkc gvdo sc:kobulu luka:ji, “Nok omcdc sipakkang. Kapila luyirncdcm cmmumpc gvdvr gvso:pc gvmodu:n?”

AGER KVDVNG 10:2

mc:dap-sirsirnc tani:konc sc:ko Ru:ncmc pcsodagaji bvk crang appv:dokki lckopc, ammem aya:la attar binamcm appvng tani:kvdv:dcm bitcr bitcr bidungai, odokkc lo:dcm Ru:ncpvncmc kumdagai.

AGER KVDVNG 11:14

Bv nolum lutadko lubiycpc odokkci no:lang nok okum crang appv:dc turycpc.’

AGER KVDVNG 13:15

Lujvglurodcm poge:la odokkc lungor lunam kvdv:dcm kumko okumdok ka:sv:mosv:nc kvdv:dc bulukkolo:pc tani:ycm scmpc lula mclvgto, “Bvrokvdvnga, nolukkc tani:kvdv:dokkcpc atv luyir agomko du:mvlo, cdcm lutok.”

AGER KVDVNG 16:34

Odokkc bv bulum bvk okumdo:pc gva:botoku, odokkc bulum donam tv:namcm bito; odokkc bvk okum cra:dok appv:dokki bv mc:pomcnganto bv:jc Ru:ncpvnckolo mcjvgto cmna.

AGER KVDVNG 18:1

Odok lcdupc bv Etendcm mcto odokkc Korintodo:pc gvto.

AGER KVDVNG 18:17

Odokkc bulu appv:dc Sostini:mc sogabto, kumko okumdcm kanggabla migomdoncdcm, odokkc kcba:dok ka:ngkodo bvm dcmto. Ckvdaggom Gallio:bv cdcm kangka: tadka:tomang.

AGER KVDVNG 19:1

Apollo:bv Korintodo du:dodcm, Poulbv dagdung mo:tak-dok gvko:la gvto odokkc Ipesu:do:pc gvto. Odo bv agom tadjvgla gvmvnnc tani:ckkc pa:to.

AGER KVDVNG 8:12

Cmpige:la cdvlo bulu Pilipkc lutad lubinamdcm mc:jvgtoji bv Jisu Kristokclang Ru:ncpvnckc migom doko mo:pvdok lutad lubila, bulu baptismongcm la:to, nc:ngcla: milbongkvdv:dc.

1 KORINTIANG KVDVNG 1:2

Korinto:do Ru:ncpvnckc oko mondoli:do du:nc odopc, Kristo Jisukolo sc:kobulum narcngmotonc odobulu:pc, lckko:pc angunnctani:pc gognamkvdv:do:pc appvng mo:taklo ngoluk Ru:tum Jisu Kristokc amincm gognckvdv:dokki lckko:pc, bulukkclang ngoluk Ru:tum Jisu Kristo anyipakpc:

2 KORINTIANGKVDVNG 1:1

Poulbv, Ru:ncpvnckc mcngkampc Kristo Jisukc mclvgla agom lunc, odokkc Timoti:bv ngoluk bvrodc, sc:kobulu Korintodo, Ru:ncpvnckc kumnc airu:nc tani: Akhaiang appv:do du:ji mondoli:kvdv:do:pc.

2 KORINTIANGKVDVNG 1:23

Cmpige:la ngo Ru:ncpvncmc ngok birudi:pc lukan lubidopc gogdo– cdc nolum aya:pc mc:namc du:langci ngo Korinto:pc gvma:pc dung.

2 KORINTIANGKVDVNG 6:11

Ngoluk nappangc nolukkcpc kokala dung, Korintiangkvdvnga; ngoluk asinc bottadag.

2 TIMOTI 4:20

Irastu:bv Korinto:do dungkang; Tropimu:bvm ngo Miletu:do lc:to.