AGER KVDVNG 18:25 - ANU LUGOD N. T. (BSI)

²⁵ Bvm Ru:tumkc lambcdok agomcm luyirtungai; odokkc yalodo kvnggv:pc udpinna, bv Jisukc lcga-o ngcm luto odokkc aiyo:pc begdopc luyirto, bv Jo:nkc baptismongcm kindagagom.

AGER KVDVNG 18:25 ပူးပေါင်းရင်းမြစ်များ

AGER KVDVNG 19:3

Odokkc bv luto, “Cmpcmvlo oko lcgangc nolu baptismongcm la:ton?” Bulu lubito, “Jo:nkc baptismo:dcmna.”

ROMANKVDVNG 12:11

Bottapc ager gernamlo cdvlosin lo:bagyok, Yalodokki dorrangka, Ru:ncpvnckc agercm gertoka.

AGER KVDVNG 19:23

Odo ayirdo Lambcdok lcgangc adjio:kosin lumvnsunam kamangai.

AGER KVDVNG 19:9

ckvdaggom cdvlo akke asin torla odokkc mc:jvgtoma:nc, Lambcdok agomcm aimang cmna mondoli:dok tani:kvdv:dok tadkolo lutoji, bv bulukkolokkc gvpakkang, bvk lcdulo agom tadjvgla gvmvnnc kvdv:dcm gvbola, odokkc Tiranu:dok gvkumsuko okumdo longgcm agomcm svkka:mvnsuto.

AGER KVDVNG 9:2

gvkang odokkc Damasku:dok kumko okum kvdv:do:pc do:jvgko jvgdopc koto, odomvlojen cdc Lambcdok gvnc tani: pa:namdcmci, milbo:daggom nc:daggom, bv bulum Jerusalempc yc:bomla:dokupc.

MARKKC 12:14

Odokkc bulu gvla Bvm luto, “Luyirna, ngolu kindung no arro cmna, odokkc oko tani:ycmsin pcsomang; kapila:nc no tani:lok nappangcm ka:mang, cmpige:la aropakpc Ru:ncsa:nckc lambcdcm lcngkandag. Kaesarmc dorpcnam murko:dcm dornamdc lujvgluro adnamdcmpc bipa:doyc bipa:ma:yc?

JAKOB 5:16

Cdcmpidag noluk pa:pkvdv:dcm akonc akonkolo lude:sutoka, odomvlo jen nolum csa:moyckupc. Dormokanc tani:dok kumnamdc ager kvnggv:pc ilang gvla:dag.

2 TIMOTI 2:4

Oko mimag monncsin agerro du:dom okum agerdo gergo:la du:mang, bvk ka:la gernamdc bvm gerdopc mca:lvgncdcm mc:lvgsumopc cmna mc:nampc ila:yam.

AGER KVDVNG 16:17

Bv Poulkclang ngoluk lcdu lcdulo gvmvnto, scmpc jc:la lula: lula, “Sc tani:kvdv:sc Appvngcmyam Owudyangkodo Du:ncdok Ru:ncpvnckc ager gerya:nc, sc:kobulu turnamdok lambcdcm nolum lutadla lubidu:ji.”

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

LU:KKC 7:29

(Cdvlo bulu cdcm tattoji appvng tani:kvdv:dc odokkc migom murkong urkumnckvdv:dc Ru:ncpvncbv aropc kcbang ba:nc cmna lula, Jo:nkokki baptismo la:to;

MARKKC 1:3

“Yumrangolo jc:la gognckc alv:dc scmpc: Ru:tumkc lambcdcm mobitoka, bvk lambcdcm yvg cmmotoka!”

LU:KKC 1:4

Ngo:sin lendodokkcbong appvng agomcm aiyo:pc magabbomna, nokkolo:pc aborkolok lcdulo aborko adnamcm aidopc ka:to.

AGER KVDVNG 18:26

Bv kumko okumdo asin bottapc lurobbomkang; cmpige:la cdvlo Prisilla:bv:lang Akuilla:bv bvm tadbegto, bulu bvm langa:to odokkc Ru:ncpnckc lambcdcm aiya:pcda lukurlule:la lubito.