AGER KVDVNG 17:24 - ANU LUGOD N. T. (BSI)

²⁴ Ru:ncpvncbv sc:ko mo:pvscm motoji odokkc odok du:nc appv:dcm, tayctokkclang mo:pvsok Ru:tumpc ila, tani: monam uikumko okumlo du:mang,

AGER KVDVNG 17:24 ပူးပေါင်းရင်းမြစ်များ

AGER KVDVNG 7:48

“Cdcmpidaggom Appvngcm Taycngarya:pc du:ncdc alakkokki monam okumdo du:mang; lungor lunckvdv:dc lukamdcmpc,

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.

AGER KVDVNG 14:15

Ngolusin tani:yvngc, nolugvngkcmpc innc, odokkc nolum tadponc lutadko bombitung, nolujen scm cmmum ager sokkc turnc Ru:ncpvnckolo:pc gva:yckupc sc:kobv taycng amo:tcmna mo:pvscm ru:tu:ji odokkc siycngcmna odok du:nc appv:dcm.

AGER KVDVNG 4:24

Odokkc cdvlo bulu cdcm tattoji, bulu lckopc buluk agomcm Ru:ncpvnckoto:pc jc:sa:to odokkc luto, “Appvngcm ka:bomnc Ru:tuma, sc:ko taycngtcm odokkc mo:pvscm odokkc siycngcm odokkc odok du:nc appv:dcmbulum ru:lentonc,

LU:KKC 10:21

Odo ayirdo Bv angunnc Yalodokki mc:pokang odokkc luto, “Ngo nom aipai bidung, Abba, taycng amongcla: mo:pvsok Ru:tuma, no sc agomkvdv:scm kinnc-pa:nc kvdv:dokkcmlang mcngkinnc kvdv:dokkcm lc:suto odokkc kowawkvdv:dcm lcngkan to; c: Abba, kapila:nc cdcmpinna:ncna nok aipc mc:namdok mcngkamdc.

HIBRIUKVDVNG 3:4

(Kapcnc appvng okumcm akonkokki modag, cmpige:la appvng attarlok moncdc Ru:ncpvncbv.)

METIU 5:34

Ckvdaggom ngo nolum ludung, Nolu cmpcsin pesudanyoka, taycngamongcm suttomna, kapila:nc tclc Ru:ncpvnckc migompc ila dungko,

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.

JO:N 1:1

Lendo-a:dodo Gomugdc dungai, odokkc Gomugdc Ru:ncpvnckc lcdulo dungai, odokkc Gomugdc Ru:ncpvncbvai.

ROMANKVDVNG 1:19

Kapila:nc Ru:ncpvnckc agomdcm kinpcnamdcm bulukkcpc ka:de:yc, kapila:nc Ru:ncpvncbv cdcmbulum lcngkanto.