AGER KVDVNG 17:23 - ANU LUGOD N. T. (BSI)

²³ Kapcnc ngo gvgo:la gvnamc odokkc noluk kumnam attarkvdv:dcm ka:namc, ngo scmpc adnam kumgcngko gvpa:suto, ‘Kinma:nam Uikolo:pc.’ Nolu cdcmpila okodcm kinma:pc kumdonc, cdcm ngo nolum lutadbidung.

AGER KVDVNG 17:23 ပူးပေါင်းရင်းမြစ်များ

JO:N 4:22

Nolu okodcm kinma:ji cdcm ngolu kumdag; ngolu okodcm kindagji cdcm ngolu kumdo, kapila:nc mopvtnamdc Jiwudi:kvdv:dokkc lenyc.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

ROMANKVDVNG 1:28

Odokkc Ru:ncpvncmc bulu arro cmna ka:tomang, Ru:ncpvncbv bulum mcngkinma:nam asinno:pc tolvgto odokkc aima:nc inamgvnamlo:pc.

AGER KVDVNG 17:30

kinma:pc du:nam ayirdcm Ru:ncpvncbv mc:yinsutobong, cmpige:la su:pak appv:lo Bv tani: appvngcm asin mcdvrla mc:latsutokuka cmna lulvgcm ludag,

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

2 TISSALONIANG 2:4

momvg-mosvgnc awodc, sc:kobv avdc bottcsudagji cdc lunam appvng uikvdv:dcm cdcmanggom kumnam atvkvdv:dcm, odomvlo jen Bv Ru:ncpvncbv cmna lusuycpc.

IPESIANG KVDVNG 2:12

Mc:pa:langka jc nolum odo ayirdo Kristokolokkc angumotagai, Israeldok migomdokodok tani: kvdv:dokkc angula du:motungai, odokkc pesula lugot lunamdokkcpc angu amo:lok kangkinma:nam tani:kai,

1 KORINTIANG KVDVNG 8:5

Kapila:nc taycngamo:to cdcmanggom tani:amo:so uiyc cmnam dung–aropcsinci bojcrungko “Uiyc dung” odokkc bojcrungko “ru:tumc” dung–

JO:N 8:54

Jisubv lubito, “Ngo avyc amincm gvmosumang, ngok amin gvnamdc okkosinmang, cdc ngok Abudc:mvn sc:ko ngom amin gvmotoji, sc:kobvm noluk Ru:ncpvncbv cmdu:ji.

METIU 15:9

Atvkosin ima:nc kumnamcm ngom bulu kumdag, tani:kvdv:dc lungorkvdv:dcm Ru:ncpvnckc agom cmna poyirdag.”