AGER KVDVNG 17:11 - ANU LUGOD N. T. (BSI)

¹¹ Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

AGER KVDVNG 17:11 ပူးပေါင်းရင်းမြစ်များ

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

METIU 13:23

Ainc amo:do okodcm pittunganc odok agomdc, cdc scmpc sc:ko agomdcm taddaganc odokkc cdcm mcngkindag; bv aropakpc a:ycm e:dag, odokkc lenmodag, abangkolo lvngkoko, akonkol yvngkekopc, odokkc akonkolo yvngumkopc.”

1 TISSALONIANG 1:6

Odokkc nolu ngolukkclang Ru:tumkc iko gvkolo gvmvnncpc ikang, kapila:nc nolu kvnggv:pc du:glo agomdcm torvgsuto, Angunnc Yalodokki mc:pomola.

JO:N 3:21

Ckvdaggom sc:kobv okodc arronc cdcm idagji pva:do:pc gva:dag, odomvlo bvk ager gernam kvdv:dcmjen aiyo:pc ka:begycpc cdcm Ru:ncpvnckc kangkolo ito cmna.

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

1 PITOR 2:2

Anupc onam Kowawcmpc, angunpc narc:nc gakvrdcm asinang olangka, jc cdcmpc ila nolu moturnamdo:pc sv:sa:ycpc;

LU:KKC 24:44

Odo Bv bulum luto, “Sc-bulu ngok agomkvdv:dc ngo nolum oko okodcm ludu:ji ngo noluk lcdulo du:mvndodo:bong, jc ngok agomcm Mose:kc lujvg lurodo odokkc lungor lunamkvdv:do odokkc ni:tomkvdv:do adkamdcmpc ingapru:pa:yc.”

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

AGER KVDVNG 10:33

Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”

AGER KVDVNG 2:41

Cdcmpila cdc sc:kobulu bvk agom kvdv:dcm torvgsutoji baptismongcm langapto, odokkc odo baptismongcm bisetla bulu lv:ying awum kvramko yallo idagai.

AGER KVDVNG 17:1

Cdcmpc bulu cdvlo Ampipolisdo:lang Apollonia:dok ko:la gvtoji, bulu Tissalonika:do:pc gvto, okolo Jiwukvdv:dokkc kumko okumko dungaji.

AGER KVDVNG 11:1

Cdcmpidodcm mclvgla ager germonam kvdv:dc:la bvrokvdv:dc sc:kobulu Judia:do dunganc Angunc ope:kvdv:dc:sin Ru:ncpvnckc agomcm torvgsuto cmna tadbegto.

LU:KKC 16:29

Cmpige:la Abrahambv luto, ‘Bulu:kkc Mosebv:lang lungor luckvdv:dc dung; bulum buluk lubinamdcm tadmotok.’

LU:KKC 1:2

ngoluk ara:lo aropc badnc agomkvdv:dok kvlenkvangcm adlenpc cmna bojcrungc adrobto;

LU:KKC 11:3

Ngoluk lo:dvscm donam dogangcm lodvscm bi:ka;