AGER KVDVNG 15:29 - ANU LUGOD N. T. (BSI)

²⁹ jc nolu okodcm murti:lo palvgtagji odokkc gertoka odokkc i:lokkc odokkc okodcm lv:polok yumna yumkedagji odokkc amikc nc:ngcm la:binamlokkc. Nolu avyc odokbulukkc odokkcm gc:rsula du:la:mvlo, nolu aincm iyc. Cdcbong.”

AGER KVDVNG 15:29 ပူးပေါင်းရင်းမြစ်များ

AGER KVDVNG 15:20

Ckvdaggom bulukkolo:pc adpcnammc murti:ycm kumlusula kumnamcm mcpakdopc odokkc nc:ngcm aima:pc mc:boka:bo kolokkc odokkc okodc okkom yumkela dodagji odokbulukkc.

AGER KVDVNG 21:25

Cmpige:la Ru:ncmc kinma:nc tani:kvdv:dokkcpc sc:kobulu mc:jvgtoji, ngoluk mcngkampc do:jvgkko mclvgto jc bulu murti:lo palvgnammcm dopcma:namc lv:podok yumkenam kvdv:dcm odokkc amikc nc:ngcm aima:si:ma:nc agercm germa:pc du:dopc.”

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,

1 JO:N 5:21

Ameo:nc ommangkvdvnga, nolu avyc moimang kvdv:dokkc gc:rla du:langka.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

1 TIMOTI: 5:22

Alagcm pigabla ager togc:lvgnam kvdv:dcm mcngctyoka, cdcmanggom akontani:lok pa:bcm imvnyoka; no avycm narc:pc lc:sulangka.

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

2 KORINTIANGKVDVNG 11:9

Odokkc cdvlo ngo noluk lcdulo du:mvndungaji odokkc madodcm du:mvndungaji, ngo sc:komsin jongcsumomangai, kapila:nc ngok manamkvdv:dcm bvrokvdv:dokki mclvgbika sc:kobulu Makedonia: dokkc gvkaji. Cdcmpidag ngo motumsuto odokkc kapcsin sc:komsin jo:namko jo:dopc motumsuyc.

AGER KVDVNG 18:21

cmpige:la bulukkolokkc mcpakla gvtungkula bv luto, “Ngo nolukkoso:pc Ru:ncpvnckc mcngkammvlo gvlatycku,” odokkc bv Ipesu:dokkc ko:la gvkang.

LU:KKC 9:61

Akodan luto, Ru:tuma “Ngo nok lcdu lcdulo gvmvnyc; cmpige:la ngok okumkc du:nckvdv:dcm lutcrsupo:moteikuk.”

AGER KVDVNG 23:30

Odokkc cdcm cdvlo ngom lulen luwa:la lubitoji odo cdc tani:dok birudi:pc ru:suko idungai, ngo bvm lomdanna nolukkolo:pc mclvgto, bvm lujcmna lunamkvdv:dcmsin noluk kcra:lo okodcm bvk birudi:pc lupcnammcji ludopc.”