AGER KVDVNG 15:28 - ANU LUGOD N. T. (BSI)

²⁸ Kapila:nc Angunnc Yalodokkcpc odokkc ngolukkcpc noluk tayc:lo scmbulumyam oko bottaya:nc jo:namcsin jonggcmlvgla:ma:dopc:

AGER KVDVNG 15:28 ပူးပေါင်းရင်းမြစ်များ

JO:N 16:13

Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

METIU 11:30

Kapila:nc ngok jungo:li:dc rcmagdag, odokkc, ngok jo:namdc:sin cssa:dag.”

LUNGOR LUNAM 2:24

“Cmpige:la Tiatira:dok nolu akedo:pc, sc:kobulu sc poyirdcm gagla du:ma:nc, sc:kobulu poyirsuma:nc okodcm Satandok orv:nc ager cmna ludagnc, nolukkolo:pc ngo ludung, ngo nolukkolo atv angu jo:namko jonggclvgmang;

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 KORINTIANG KVDVNG 14:37

Akonc jodi bv lungor luncko cmna mc:suyc, cdcmanggom yalo agom lukampc gvncko, bv togcsupa:do jc nolukkolo:pc ngo okodcm do:jvg jvgtu:ji cdc Ru:tumkolokkc kvnggv:pc lulvgc.

1 KORINTIANG KVDVNG 7:40

Cmpige:la ngok kcbang ba:pc bv kapc du:ji cdcmpc du:mvlo bv mc:poya:nc, odokkc ngo mc:dag jc ngokkc Ru:ncpvnckc Yallo dung.

AGER KVDVNG 15:19

“Cdcmpidag ngok mcnggodc jc ngolum angu tani: opvn kvdv:dcm mc:dvrmopc lagimang sc:kobulu Ru:ncpvnckolo:pc gvlatdungkuji.

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

AGER KVDVNG 5:32

Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

1 KORINTIANG KVDVNG 7:25

Su:pak mida: moma:nc kvd:dok agomc, ngokkc Ru:tumkolokkc kvnggv:pc lulvgnammc kamang, cmpige:la ngo ngok mc:lenna lunamcm bidung Ru:tumkc ayang kokki akonc mc:tinsukampc.

AGER KVDVNG 15:25

cdc ngolukkcpc aidopc ka:to, asin atcrongkopc inamdc, tanickkc balendopc odokkc bulum ngolukkolo:pc mclvgdopc ngoluk aipc mc:nam Barnaba:mclang Poulmc,

METIU 23:4

Bulu i:dnc jo:nam kvdv:dcm ragdag, jo:pc jo:la:mang, odokkc cdcmbulum tani: gordu:lo jo:lvgdag; ckvdaggom bulu avkvdv:dc buluk lakke:kokkisinci kingkvmang.

AGER KVDVNG 16:4

Bulu nogordok buluk gvtc:dok gvbomnammc, bulu bulum kangkvycpc cmna ru:lennamkvdv:dc lubito okodcm mclvgla ager germonam kvdv:dokkilang abv:nc kvdv:dokki sc:kobulu Jerusalemdo dungaji.