AGER KVDVNG 15:22 - ANU LUGOD N. T. (BSI)

²² Odo cdc mc:jvgla ager gernckvdv:dokkcpc aidopc ka:to odokkc cdc abv:nc kvdv:dokkcpc, mondoli:appv:dokki, buluk ara:dokkcm tani:ycm balenna la:pc odokkc bulum Antiokpc mclvgpc Poulkclang Barnaba:kc lcdulo. Bulu Juda:mc Barsabang cmnamdcm mclvgto, odokkc Sila:mc, bvrokvdv:dok gvgcboncko,

AGER KVDVNG 15:22 ပူးပေါင်းရင်းမြစ်များ

AGER KVDVNG 15:27

Cdcmpila ngolu Juda:mclang Sila:mc mclvgtung, sc:kobulu avkvdv:dc nolum cdc agomv:dcm nappangkokki lubiycpc.

AGER KVDVNG 15:40

cmpige:la Poulbv Sila:mc bala la:to odokkc Ru:tumkc ayangki bvrokvdv:dc mclvgla:yam gvpansukang.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

2 TISSALONIANG 1:1

Poulbv, Silbanu:bv, odokkc Timoti:bv, Tissaloniangkvdv:dok mondoli:do:pc Ru:tumkolo ngoluk Abu odokkc Ru:tum Jisu Kristokolo:

1 TISSALONIANG 1:1

Poulbv, Silbanu:bv, odokkc Timoti:bv, Tissaloniang kvdv:dok mondoli:do:pc Ru:ncpvnc Abukolo odokkc Ru:tum Jisu Kristokolo: Nolukkolo:pc ayangc odokkc mcnganc.

AGER KVDVNG 18:5

Cdvlo Sila:bv:lang Timoti:bv Makedonia:dokkc gvpv:tonc, Poulbv lutad lubila lumi-miri:la dungai, Kristobv:jc Jisubvai cmna Jiwukvdv:dcm lukan lubila dungai.

AGER KVDVNG 15:32

Odokkc Juda:lang Sila:bv, sc:kobulu av:kvdv:dci lungor lunna:nc, bvrokvdv:dcm bojcrungko agomki luyircm luto odokkc bulum kvnggv:moto.

AGER KVDVNG 1:23

Odokkc bulu anyiko la:lento, Josepmc Barsabba cmnamdcm, sc:kom Justu cmna minyotla mintungaji, odokkc Mettiabv,

AGER KVDVNG 17:14

Odo bvrokvdv:dc lomdanna Poulmc siycngpc mclvgto, cmpige:la Sila:lang Timoti:bv odo du:pakkang.

AGER KVDVNG 17:10

Bvrrangkvdv:dc lomdanna Poulmclang Sila:mc yumcdo Birea:pc mcgcnnvgla mclvgto; odokkc cdvlo gvpv:toji bulu Jiwu kvdv:dok kumko okum kvdv:do gva:to.

AGER KVDVNG 17:4

Odokkc bulukkodok akedcm lula mcnga:moto odokkc Poulkclang Sila:kc lcdulo lckokang; Girik kvdv:dok mcnggab garabnc kvdv:dc odokkc nc:ng kvdv:dok bottc bottcnc kvdv:dc.

AGER KVDVNG 16:29

Odokkc bv saki:ko mala koto odokkc duga:to, odokkc pcsola jinna Poulkcla: Sila:kc kcra:do bv kcdangkang,

AGER KVDVNG 16:25

Cmpige:la yumc kvdvsudodo Poulbv:lang Sila:bv Kumna:la Ru:ncpvnckolo:pc ni:tom mola dungai odokkc makana:dok tumnam kvdv:dc buluk monamdcm tadla dungai,

AGER KVDVNG 16:19

Ckvdaggom bvk ru:tumdc cdvlo ka:toji jc buluk pa:barra pa:pcnamdc gvpakkang, bulu Poulmclang Sila:mc ycnggabto odokkc bulum attar kokodo:pc sobomna gvkang migom donckvdv:dok kcra:pc;

AGER KVDVNG 15:25

cdc ngolukkcpc aidopc ka:to, asin atcrongkopc inamdc, tanickkc balendopc odokkc bulum ngolukkolo:pc mclvgdopc ngoluk aipc mc:nam Barnaba:mclang Poulmc,

AGER KVDVNG 15:23

kcvgkc do:jvgdcm bitc:lvgla: “Bvrokvdv:do:pc, mclvgla ager germonc kvdv:do:pc odokkc abv:nc kvdv:do:pc, Antiokdok, Siriadok odokkc Kilikiadok ope:kvdv:do:pc gvangkunc Angunc tani:kvdv:dok aipc lupangc.

AGER KVDVNG 11:22

Odok lutaddc Jerusalemdo du:nc mondoli:pc pvngkang, odokkc bulu Barnaba:mc Antiokpc mclvgto.

AGER KVDVNG 8:14

Cdcmpc inamc Jerusalemdok mclvgla ager germonam kvdv:dc Samariangdo:sin Ru:ncpvnckc agomcm torvgsuto cmna cdvlo tadtoji bulu Pitormclang Jo:nmc bulukkolo:pc mclvgto,

AGER KVDVNG 11:19

Cdcmpidodcm sc:kobulu dugpitsuka:ji Stipenmc ipusire:ycm ila mokedodokkc Poenisialang Sipru appv:pc odokkc Antiokpc gvngapkang.

AGER KVDVNG 11:20

Cmpige:la odokbuluk akke tani:yc dungai, Sipru dokkclang Sirene dokkc sc:kobulu Antiokdo:pc gvla Girikkvdv:dcmsin lutadto, Ru:tum Jisumc lutad luyirbila.

AGER KVDVNG 11:27

Cdcmpidodcm odo longckvdv:do Lungor Lunckvdv:dc Jerusalemdokkc Antiokpc gvngapkang.

AGER KVDVNG 15:3

Cdcmpila, mondoli:dc bulum buluk lambcdo mclvgnammc, bulu Poenisiangdoklang Samaria:dok gvpatla gvto, Angu tani:kvdv:dcmsin asin mc:latsulangkula gvangkunamdok agomcm lubi lubila, odokkc bulu bvrrangkvdv:dcm kvnggv:pc mc:pom bito.

AGER KVDVNG 15:30

Cdcmpila cdvlo bulum mclvgtokuji bulu Antiokpc gvkang; odokkc mondoli: tani:kvdv:dcm lckopc gvkumsumoge:la, bulu do:jvgdcm tamge:to.

2 KORINTIANGKVDVNG 1:19

Kapila:nc Ru:ncpvnck Awodc, Jisu Kristobv, sc:kom ngolu noluk ara:lo lutadbitonc, Silbanubv odokkc Timoti:bv odokkc ngo, ngolu C: odokkc Ma: cmmangai; cmpige:la Bvkkolo cdc lo:dcm c:vyc.