AGER KVDVNG 14:5 - ANU LUGOD N. T. (BSI)

⁵ Cdvlo Jiwuclang Girikkvdv:dok anka:la ka:namko itoji, buluk migomdonckvdv:dokki, bulum iki:siyatpc cmna odokkc bulum vlvngki crkepc cmna,

AGER KVDVNG 14:5 ပူးပေါင်းရင်းမြစ်များ

AGER KVDVNG 14:19

Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

2 TIMOTI 3:11

ngok ipusire: pa:namkvdv:dcm, ngok du:g gvnamkvdv:dcm, okodcm ngo Antiokdo pa:toji, Ikoniumdo, odokkc Listra:do, kapinc ipusire:ycmbulum ngo menya:sula du:toji; ckvdaggom cdc appv:dokkcm ngom Ru:tumbv moturto.

AGER KVDVNG 17:5

Cmpige:la Jiwukvdv:dc ncdagai odokkc tani:kcrc:dok aima:n ajonckkc jonsuge:la, bulu tani:kvdv:dcm kcrcngkopc yadkumsumoto, nogorpakdcm jcnggumna jc:moto, odokkc Jasonkc okumdcm moa:bomkang, bulum tani:kvdv:dok kangkolo:pc la:lenpc cmna mala.

LU:KKC 6:28

sc:kobulu nolum aisi:ma:nc cmna ludagnc buluk lcgang kumnang.

METIU 5:44

Cmpige:la ngo nolum ludung, noluk ka:ruka:mangcm aya:mvnsulangka odokkc sc:kobulu nolum ipusire:la idagnc buluk lcgangc kumnangka,

AGER KVDVNG 13:45

Cmpige:la cdvlo cdc yadkumsunc tani:kvdv:dcm Jiwukvdv:dc ka:begtoji, bulu ncrobbomkang, odokkc Poulbv okodcm lutoji lupagamto, odokkc bvm aima:si:ma:pc luto.

AGER KVDVNG 13:50

Ckvdaggom Jiwukvdv:dc aipc mc:jubnc botta bottanc nc:ngkvdv:dcm odokkc nogordok igur gvgurbonc milbong amikvdv:dcm luwur-lubarlvgto, odokkc Poulmclang Barnaba:mc ipusire:ycm idopc mowurlvgto, odokkc bulum buluk jiladokkc mcnnenlvgto.

AGER KVDVNG 14:2

Cmpige:la mc:jvgma:nc Jiwukvdv:dc Ru:ncpvncmc kinma:nc ope:kvdv:dcm nvgurlvgto odokkc bvrokvdv:dok tadma:pc buluk asinkvdv:dcm dvgammoto.

AGER KVDVNG 14:4

Cmpige:la nogordok tani:kvdv:dc gvpansukang; akedc Jiwukvdv:dokkcpc kckang, odokkc akedc mclvgla ager gerdop tolvgnamkvdv:dok kcrc:pc.

2 KORINTIANGKVDVNG 11:26

lckko lckko:lo mo:dopc gvddcm, a:nclok pcsopcnamlo, rodkudnclok pcsopcnamlo, ngok avkc tani:kvdv:dokkc pcsopcnamc, Angu Tani:kvdv:dok pcsopcnamc, nogorlo pcsopcnamc, yumra:lo pcsopcnamc, siycnglo pcsopcnamc, lume: lunc bvrokvdv:dokkc pcsopcnamc;

1 TISSALONIANG 2:2

cmpige:la ngo Pilipi:do cmpci du:gcm gvttoibong odokkc anyv:sudopc ittoibong, kapc nolu cmpci kindagji, ngolukkolo asina:ngc pvtanammc ngoluk Ru:tumkolo dungai nolum Ru:ncpvnckc tadponc lutaddcm lubipc kvnggv:pc birudi:ko kcra:lo.

1 TISSALONIANG 2:14

Kapcnc nolu, bvrokvdvnga, Ru:ncpvnckc mondoli:dok iko-gvkolo imvngvmvnncpc ikang Kristo Jisuk okodc:bulu Judia:do du:nc; kapila:nc nolu c:mo:pinc ipusire:ycm pangkvsuto noluk avkc do:lu: tani:kvdv:dokkc kapc bulu Jiwukvdv:dokkc ikaji.

1 TISSALONIANG 2:16

odokkc Ru:ncpvncmc mc:nyi:motoji odokkc appvng tani:ycm motumtoji ngolum Angu tani:kvdv:dcm lumoma:dopc jc bulu turdopc–cdcmpc kapc buluk pa:pkvdv:dcm kvnamdcm pv:modopc. Cmpige:la Ru:ncpvnckc aglv:la mokenamdc lcddarpc pvngangkang!