AGER KVDVNG 14:22 - ANU LUGOD N. T. (BSI)

²² agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

AGER KVDVNG 14:22 ပူးပေါင်းရင်းမြစ်များ

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

AGER KVDVNG 18:23

Odo ayir asudkopc dungge:la bv gvpakkang odokkc mo:taklokkc mo:taklo:pc gvkang Galatiangclang Prigiang dunggo:-ycgo:do:pc, agom tadjvgla gvmvnnc kvdv:dcm kvnggv:mola.

METIU 10:38

Odokkc sc:kobv avkc kurusdcm jo:la ngok lcdulo gvmvma:ycnc bv ngokkcpc ipc arckamang.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

1 KORINTIANG KVDVNG 1:8

sc:kobv du:tcrdungapdo:pc ngoluk Ru:tum Jisu Kristokc longcdo.

AGER KVDVNG 15:41

Odokkc bv Siria:pclang Kilikia:dok gvko:la mondoli:kvdv:dcm kvnggv:mobomna gvkang.

AGER KVDVNG 15:32

Odokkc Juda:lang Sila:bv, sc:kobulu av:kvdv:dci lungor lunna:nc, bvrokvdv:dcm bojcrungko agomki luyircm luto odokkc bulum kvnggv:moto.

LU:KKC 24:26

Kristobv cdc ipusire: kvdv:dcm pa:pcnam mangalang odokkc Bvk ungjvgkolo dungkupcnamai?”

METIU 16:24

Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

AGER KVDVNG 11:23

Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;

JO:N 15:20

Ngok nolum lunam agomkvdv:dcm mcpa:lang, ‘Ager gerya:nc tani:konc bvk ru:tumdcm bottaya:mang.’ Bulu ngommci ipusire:ycm itomvlo, bulu nolum ipusire:ycm iyc; bulu ngok agomcm tadgabla lc:mvlo, nolukkcmsin tadgabyc.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

JU:D 1:3

Mc:bomsunam kvdvnga, ngoluk appvngc pa:nam mopvtdok agomcm kvnggv:pc nolukkolo:pc adlv:la ngo cdcm nolum lugotpc lula adpcnamdcm aidopc ka:to mc:jvgdok lcgangc gagtvla du:nam lcgangc okodcm lcko atcro:lo aipc kumnc tani:kvdv:dcm bitobo:ji.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

AGER KVDVNG 13:43

Odokkc kumko okumdok tani: gvkumsunamdc gvpansurobbomnamc, bojcrungko Jiwuyclang Jiwu dormo inc Poulkclang Barnaba:kc lcdu lcdulo gvmvnkang, sc:kobulu bulum Ru:ncpvnckc aya:do du:tvla du:dopc lusv:lvgtoji.

AGER KVDVNG 6:7

Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.

MARKKC 10:30

okumcmbulum, odokkc bvrrangcm odokkc bvrmangcm odokkc ancabbom odokkc ommangcmbulum, amongcmbulum, ipusire:ycm ikosutu:la, odokkc angkupcnc dv:tak kvdv:do turyarla turkunamdcm pangkuma:ycpc sc:kosin sc kamang,

MARKKC 9:47

Odokkc nok amigc nom pa:bcm imoycmvlo, cdcm karpaksutoka; Ru:ncpvnckc migom doko mo:pvdo:pc amik apirongko kage:la gva:namdc aiya:dag amik pirnyiko kage:la uiamo:pc cra:lvgkosunamdcmyam,

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

METIU 19:24

Lckoda ngo nolum lubidung, u:t gure: lokkcpci pcsiaru:dok gvkurnamdc gvkurla:ycpc mircmnc tani:akonc Ru:ncpvnckc migom du:tcng mo:pvdo gva:namdcmyam.”

JO:N 15:18

“Rcngamsc nolum tayumycmvlo, kinna:bongka jc nolum tayumma:dapci cdc ngom tayumpo:to.

AGER KVDVNG 11:26

odokkc bvm cdvlo pa:toji, bvm bv Antiokpc gvbotoku. Dv:takpagdo bulu mondoli:dok lcdulo du:mvnto, odokkc tani:kvdv:dok bottcru:nc kcrcngcm poyirto; odokkc Antiokardo agom tadjvgla gvmvnnckvdv:dcm Kristanc cmna gogpo:to.

AGER KVDVNG 11:29

Odokkc agom tadjvgla gvmvnnckvdv:dc, appvngc av avkc ilang gvla:nammcmpc, Judia:dok du:nc bvrrang kvdv:do:pc dogangcm bisupc cmna ru:sula mclvgto;

AGER KVDVNG 14:20

Cmpige:la cdvlo agom tadjvgla gvmvnnc kvdv:dc bvk kcra:do dakkumsuka:ji, bv darobto odokkc nogordo:pc gva:toku; odokkc longkondo bv Barnaba:kokki Derbido:pc gvto.

AGER KVDVNG 14:28

Odokkc bulu agom tadjvgla gvmvnnc tani:kvdv:dok lcdulo adjio:kosin du:mvntomang.

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.

1 PITOR 2:21

Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.

1 PITOR 5:9

Bvm morasutoka, noluk mc:jvglo kvnggv:tarv:la, kinsula jc cdc ipusire: ikv-kangkvnamkvdv:dcm rcngam appv:so noluk bvrra:pc mc:namdo madag.