AGER KVDVNG 13:27 - ANU LUGOD N. T. (BSI)

²⁷ Kapila:nc sc:kobulu Jerusalemdo du:donc odokkc buluk migom donckvdv:dc, Bvm bulu kangkinma:la:yam cdcmanggom ager germa:pc yodla du:dom lo:dcm ponam lungor lunckvdv:dcm tadkinma:la, sc bulum lukamdcmpc Bvm aima:ncko cmna moketo.

AGER KVDVNG 13:27 ပူးပေါင်းရင်းမြစ်များ

AGER KVDVNG 3:17

“Odokkc su:pak, bvrokvdvnga, nolu kinma:la agercm ito, noluk migomkvdv:dc:sin imvnnamdcmpc.

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

AGER KVDVNG 15:21

Kapila:nc lekekc opvnkvdv:dokkcbong Mose:kcdc appvng nogor nogorlo dungai sc:kobulu bvm luyir lukaji, kapila:nc cdcm ager germa:pc yodla du:do longc appv:do kumko okumkvdv:do podungai.”

LU:KKC 24:20

odokkc kapc ngoluk dormo ager gernckvdv:dok bottarya:nc kvdv:dc:lang migom kvdv:dc mokedopc tolvgtoji, odokkc Kuruslo Bvm moketoji.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

2 KORINTIANGKVDVNG 3:14

Cmpige:la buluk asinkvdv:dcm tormoto; kapila:nc silo longcso:pc, cdvlo bulu aku lujvg-lurodcm pokanc, cdc ungkomsunamv:dcm ungge:ma:pc lc:to, kapila:nc Kristokokkicng cdcm la:pakto.

1 KORINTIANG KVDVNG 2:8

Cdcm sc rcngam ayirsok migom donc akosin mcngkintomang; kapila:nc bulu kinya:mvlo, bulu amin gvnc Ru:tummc Kuruslo pvtkema:ya:pc.

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

1 TIMOTI: 1:13

ngo po:pcbong Bvm nindaikagom odokkc ipusire:ka odokkc luka:la luka; cmpige:la su:pak ayangcm pa:tobong kapila:nc ngo kinma:pa:ma:ru:pc mc:jvgma:pc gerto, odokkc ngoluk Ru:tumkc

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

LU:KKC 22:34

Bv luto, “Ngo nom lubidung, Pitora, silok longcso porogc kogma:yc, no lcumkopc ngom kinmang cmna lupaksuma:sisscm.”

METIU 22:29

Ckvdaggom Jisubv lubito, “Nolu murdung, kapila:nc nolu Ru:ncpvnckc potindcm cdcmanggom tornamdcm kinmang.

LU:KKC 23:13

Pilatbv odo dormo ager gernckvdv:dok bottarya:nc kvdv:dcm lckopc gokkumsuto odokkc tani: kvdv:dok migom donckvdv:dcm,

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.