AGER KVDVNG 12:17 - ANU LUGOD N. T. (BSI)

¹⁷ Cmpige:la bulum aso:pc du:dopc bvk alagdokki bv lcngkange:la, kapc bvm Ru:tumbv makana:dokkcm la:lentokuji lulenlua:la lubito. Odokkc bv luto, “Scm Jakobmclang bvrokvdv:dcm lubilangka,” odokkc bv gvpakla angu mo:takkolo:pc gvkang.

AGER KVDVNG 12:17 ပူးပေါင်းရင်းမြစ်များ

AGER KVDVNG 21:40

Odokkc cdvlo bv bvm agomdcm lumotonc, Poulbv, ko:ba:do dagge:la, tanikvdv:dcm alagcm lagsa:la lagclagkurto; odokkc aso:pc dungabnammc, bv bulum Hibriu agomki lurobbomkang:

AGER KVDVNG 19:33

Yadkumsunc tani:kvdv:dok akke Alekjandarmc lukonsula luto, sc:kom Jiwu kvdv:dcm lurasunamko lukvpc cmna, lagc lagkurto.

AGER KVDVNG 13:16

Cdcmpila Poulbv dagrobkang, odokkc bvk alagdcm lagyi:-lagsa:la luto: “Israelsok tani:kvdvnga, odokkc nolu sc:kobulu Ru:ncpvncmc pcsodonc, tadtoka.

AGER KVDVNG 21:18

Odok longkondo Poulbv ngoluk lcdulo Jakobkolo:pc gva:mvnto; odokkc abv:nc appv:dc dungai.

AGER KVDVNG 15:13

Buluk lungapdodcm, Jakobbv lubito, “Bvrokvdvnga, ngom tadtok,

GALATIANG KVDVNG 2:12

Kapila:nc Jakobkolokkc tani: akonc gvmangadapc, bv Ru:ncmc kinma:nc tani:kvdv:dok lcdulo domvnto; cmpige:la cdvlo bulu gvlattokunc bv ngetsuk sukang, odokkc avdc, gadpuknc kcrc:dcm pcsola angupc angukang.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

GALATIANG KVDVNG 1:19

Cmpige:la ngo ake mclvgla ager germonamkvdv:dok akosin ka:begtomang Ru:tumkc bvro Jakobkc atcro:dok bahire.

1 KORINTIANG KVDVNG 15:7

Odokkc Bv Jakobmc lcngkansuto, odokkc mclvgla ager germonam appv:dcm.

JO:N 11:54

Cdcmpila Jisubv Jiwukvdv:dok ka:de:pc odokkc gvigvsa:tokuma:bong, odokkc bojcrungc do:lu:dokkc Jerusalempc gvkang Gvbo:la gvla dopun dojardok po:pcbong; ckvdaggom Bv odokkc sv:lung ru:yikc do:lu:do:pc gvkang, Ipraim cmnam tawondo:pc; odokkc olo Bvk agom tadjvgla gvmvnnc tani:kvdv:dok lcdulo dungkang.

JO:N 8:59

Odo bulu Bvm vlvngki crpc cmna tvsa:to; cmpige:la Jisubv avdc gvsuksuto, odokkc kumko okumdokkc gvlenna gvpakkangku.

METIU 10:23

Cdvlo nolum bulu tawon abangkolo ipusire:ycnc, akondo:pc duggcla gvlang; kapila:nc aropakpc, ngo nolum ludung, Israel tawon appv:do:pc nolu gvngabma:yc, tani: Awodc gvlatdokudo:pc.

JAKOB 1:1

Jakobbv, Ru:ncpvnckclang Ru:tum Jisu Kristokc ager gerya:ncko. Vyvngkolang anyi ope: Dugpitsula du:nckvdvngdo:pc: Kumtadsudung.

AGER KVDVNG 16:40

Cdcmpila bulu makana: dokkc gvlenna gvkangku, odokkc Lidia:dcm gvla ka:to, bulu bulum aipc luyirto odokkc gvpakkang.

JO:N 13:24

cdcmpila Simon Pitorbv Bv tadyugo:la tadka:la ka:to odokkc luto, “Lutei ngolum sck agomcm Bv ludu:ji.”

JO:N 10:40

Bv Jordan kekonpc gvpakkang okolo Jo:nbv baptismo biyangar pongkaji, odokkc odo Bv dungkang.

JO:N 7:1

Odok lcdudok Jisubv Galildo gvgo:to; Bv Judia:do:bulu gvgo:tomang, kapila:nc Jiwukvdv:dc Bvm mokepc cmna mago:to.

LU:KKC 1:22

Odokkc bv gvlendokudo, bv bulum agomcm lubisula:tomang, odokkc bulu mcngkintomang jc bv kumko okum ara:do o:kai kangorko ka:to; odokkc bv bulum kanggod-mogoddcm lcngkanbito odokkc agom lula:ma:pc dungka.

MARKKC 6:3

Sc vsvngki modun moncdc:ma:lang, Meri:kc awodc odokkc Jakobkc, Josepkc, Judangkc odokkc Simon buluk bvrodc, odokkc Bvk bvrrangkvdv:dc ngoluk lcdusc du:mvnma:lang?” Odokkc bulu Bvm aima:nc ager gernckop ka:to.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

AGER KVDVNG 12:16

Cmpige:la Pitorbv piku:tvla du:to; odokkc cdvlo bulu moge:toji, bulu bvm ka:begto odokkc mc:lamcngabla:tomang.

AGER KVDVNG 12:18

Odokkc cdvlo longcka:ji, mimag monckvdv:dc Pitorbv kapc ika:ji cdcm lula cmmum urratpc itomang.

AGER KVDVNG 28:15

Odokkc odok bvrokvdv:dc, ngolu gvdung cmna tadto, Appiu Attarkokodo:pc odokkc Awum Mibo dungkodo appv:pc gvlento ngolum rvgsukapc.