AGER KVDVNG 11:24 - ANU LUGOD N. T. (BSI)

²⁴ Kapila:nc bv ainc tani:kai, Angunnc Yallolang mc:jvgc bi:danpc du:nc. Odokkc bottaru:nc mc:jvgnc kcrcngkonc Ru:tumkolo:pc gvsedangkang.

AGER KVDVNG 11:24 ပူးပေါင်းရင်းမြစ်များ

AGER KVDVNG 11:21

Odokkc Ru:tumkc alagc bulum lagribomna dungai, odokkc odok bojcrungc mc:jvgnc kvdv:dc Ru:tumkolo:pc gvlattoku.

AGER KVDVNG 5:14

Odokkc mc:jvgla gva:nc bojc bojcya:pc Ru:tumkolo gva:setkang, bojcrungko yadkumsunc milbongcla: nc:ngc anyipaklokkc,

AGER KVDVNG 6:5

Odokkc bulu okodcm lutoji tani: kcrcng appv:dcm mc:lvgsumoto, odokkc bulu Stipenmc balento, mc:jvgc bi:nc odokkc Angunnc Yallo bi:nc tani:ko, odokkc Pilipbv, Prokoru:bv, Nikanor, Timon, Parmenas, Nikolaubv, Antiokdokkc dormo langkonsunckonc.

ROMANKVDVNG 15:15

Cmpige:la agom asudkolok lcgangc ngo nolum adtung mc:pa:mokunam lambcki airu:pc migang ga:la adto,

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

AGER KVDVNG 6:8

Odo Stipenbv, ayangclang ager ilang-gvlangc pv:la, bottcru:nc mcngapla:ma:nam agercmlang kanggodcm tani:kvdv:dok ara:do lcngkanto.

AGER KVDVNG 6:3

Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji.

ROMANKVDVNG 5:7

Kapila dormokanc tani:ako lcgang idaggom kapcji ila sipcgomsinci sagtabla sila:mang.

AGER KVDVNG 24:16

Cdcmpila ngo lo:dvscm Ru:ncpvnckc lcgangc tani:lo:pc narcngo:nc mc:nam sagnamcm mc:pc mc:dvrro mc:do.

JO:N 7:12

Odokkc tani:kvdv:dok ara:lo Bvk agomc kvnggv:pc ngombu:la ngomkang. Akke luto, “Bv ainc tani:ko,” akke luto, “Ma, Bv tani:kvdv:dcm yadngula gvbokang.”

LU:KKC 23:50

Cdcmpidodcm Josep cmnam tani:ko Jiwudi:kvdv:dok nogor Arimotia:dokkc dunggai. Bv kcba:lok tani:kai, odokkc ainc dormokanc tani:kai,

METIU 19:17

Odokkc Bv bvm lubito, “No kapila ngom okodc aidagnc tawudang? Ainc akkongko dung. No cdc turnamdcm pa:lv:dagmvlo, lulvgnamkvdv:dcm lukamdcmpci itoka.”

METIU 12:35

Ainc tani:dc bvk ainc kumsu:dokkcm aincm la:lendag, odokkc aima:nc tani:dc bvk aima:nc kumsu:dokkcm aima:ncm la:lendag.

AGER KVDVNG 2:4

Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

AGER KVDVNG 2:47

Ru:nc pvncmc aipai lula odokkc appv:tani:lok aipc mcngkosula. Odokkc Ru:tumbv bulum longgcm longgcm sc:kobulum moturtoji: mca:lvgsetbomto.