AGER KVDVNG 10:38 - ANU LUGOD N. T. (BSI)

³⁸ kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

AGER KVDVNG 10:38 ပူးပေါင်းရင်းမြစ်များ

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

AGER KVDVNG 2:22

“Israelsok tani:kvdvnga, sc agom kvdv:scm tadtoka: Najaretdok Jisubv, Ru:ncpvnckokki nolukkolo du:jonsumoto bottcru:nc ager germola odokkc mcngapla:ma:nam agercmlang odokkc kanggod kvdv:dokki okodcm noluk ara:lo Ru:ncpvncbv Bvkkokki gertoji, nolusin avyc kindagnc cdc Jisudcm.

JO:N 3:34

Kapila:nc sc:kobvm Ru:ncpvncbv mclvgtagnc Ru:ncpvnckc lcgangc agom kvdv:dcm ludag, kapila:nc Bv kvla Yalodcm bimang;

HIBRIUKVDVNG 1:9

No dormokanamcm aipc mc:to odokkc lujvglurokama:nammcm tayumto. Cdcmpidag Ru:ncpcpvncbv, nok Ru:ncpvncbv nom mc:pomcngannok tulangcm yonnvgto nok ajonkvdv:dcmyam bojcya:pc.”

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

METIU 12:28

Cmpige:la cdc Ru:nckc Yallomvlo ngo:jc uiycm mcnpaknadonc, odomvlo Ru:nckc migom mo:pvdc nolukkolo:pc pvnga:du:bong.

LU:KKC 3:22

odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

JO:N 10:32

Jisubv bulum lubito, “Ngo nolum bojcrungko ainc agercm Abudokkcm lcngkanto; odokbuluk okodok lcgangc nolu ngom vlvngki crkepc cmna mc:dang?”

JO:N 16:32

Ayirdc pvnga:du:bong, aropakpc cdc pvnga:du:bong, cdvlo nolum mcnpitmcnyitycnc, appvng taniycm bvkkc okumno; odokkc ngom atcrongcm mcpakyc; ckvdaggom ngo atcro:ma:yc, kapila:nc Abudc ngok lcdulo dung.

1 JO:N 3:8

Sc:kobv pa:bcm idoji bv uidokkc; kapcnc uidc lendoa:do dokkcbong pa:bcm ito. Ru:ncpvnckc Awodok lennamdok lcga:dc uidok agerdcm momvgkapc cmna.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

METIU 9:35

Odokkc Jisubv appvng nogorlo:pci gvgo:to odokkc dolungkvdv:do, odok buluk kumko okumkvdv:do luyirto odokkc Ru:ncpvnckc migom dokodok tadponc lutaddcm lugo:bito, odokkc appvng kinam ramnamcm odokkc appvng mosimola:ma:namcm aimotoku.

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

LU:KKC 9:42

Bv gva:dodcm, uidc bvm tvrtapto odokkc tvrgvt-tvrmatto. Cmpige:la Jisubv aima:nc uidcm morvdto, odokkc ko:dcm csa:motoku, odokkc bvk abudcm bvm bilattoku.

METIU 12:15

Jisubv, cdcm ansula, odokkc gvpakto. Odokkc bojcrungc Bvk lcdulo gvmvnto, odokkc bulu appv:dcm Bv csa:motoku,

MARKKC 6:6

Odokkc Bv buluk mc:jvma:namkokki mcngapla:tomang. Odokkc Bv do:lungkvdv:do luyir luyirla gvbomkang.

LU:KKC 9:56

Odokkc bulu do:lung pomkonlo:pc gvkang.

AGER KVDVNG 10:37

Judiang appv:do oko agomdcm lutadgo:bikaji, Galildokkc okodcm Jo:nbv lutadggongkaji:

1 JO:N 2:20

Cmpige:la nolu Angunnc Akodokki yontobong, odokkc nolu appvngc kindag.

METIU 9:19

Odokkc Jisubv darobto odokkc Bvk lcdulo gvmvnto, Bvk agom tadjvgla gvmvnnc tani:kvdv:dcmsin gvbola.