AGER KVDVNG 10:34 - ANU LUGOD N. T. (BSI)

³⁴ Odo Pitorbv bvk nappangcm kosa:la luto: “Aroru:pc Ngo ludungkc Ru:ncpvncbv atckpc ka:namcm ka:mang,

AGER KVDVNG 10:34 ပူးပေါင်းရင်းမြစ်များ

METIU 22:16

Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

METIU 5:2

Odokkc Bv bulum agompc lula luyirbomkang, scmpc lula:

LU:KKC 20:21

Bulu Bvm tawuto, “Luyirna, ngolu kindag no aropc agomcm ludag odokkc aropc luyirdag, odokkc oko agomcmsin atckpc lcngkanmang, ckvdaggom aropakpc Ru:ncpvnckc lambcdcm luyirdag.

AGER KVDVNG 10:33

Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

AGER KVDVNG 8:35

Odo Pilipbv ka:sa:la luto, odokkc cdc astrodokki lusa:bomna bv Jisukc tadponc agomdcm lubito.

ROMANKVDVNG 2:11

Kapila:nc Ru:ncpvncbv akonongcm aipc mc:namcm lcngkanmang.

ROMANKVDVNG 3:29

Cdcmanggom Ru:ncpvncbv Jiwu kvdungo:lok Ru:ncpvnnongci? Bv Angu tani:kvdv:dok Ru:ncpvncsinma:lang?

GALATIANG KVDVNG 2:6

Odokkc cdc sc:kobulu amin gvdagaji o:kaiko cmna (okodcm bulu ngokkokki angumotoma:ji; Ru:ncpvncbv oko atcgcmsin lcngkanmang) –cdcmbulum, ngo ludung, sc:kobulu amin gvdagaji okkomsin ngokkolo mosettmang.

IPESIANG KVDVNG 6:9

Ru:tumkvdvnga, bulum cdcmvng ilangka, odokkc morvdnammcm mentumsulangka, kinna jc sc:kobv buluk Ru:tumclang odokkc nolukkcdc taycng amo:to dung, odokkc jc Bv akonongcm mc:namc

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

KOLOSIANG 3:25

Kapcnc imur ager gerncdcm bvk germurdok lcgang palvgcm lvgycku, odokkc odo mc:nam mc:mang kama:yc.

JAKOB 2:1

Ngok bvrrangkvdvnga, akonongcm aipc mc:nam lcngkanyoka nolu Ru:tum Jisu Kristomc mc:jvgla mc:tu:la, amin gvnclok Ru:tumdc.

JAKOB 2:4

“O:ndo dagtokai,” cdcmanggom, “Ngok alc ru:yiso tedtokai,” cmna nolu av avycm angu angumotoma:lang, odokkc aisi:ma:nc asinki kcba:ba:ncpc ima:lang?

JAKOB 2:9

Cmpige:la nolu jodi akonongcm aipc mc:namcm lcngkanyc, nolu pa:bcm ido, odokkc lujvg lurodokki lujvg agom tadma:nc cmna lulvgdag.

1 PITOR 1:17

Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.