AGER KVDVNG 10:33 - ANU LUGOD N. T. (BSI)

³³ Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”

AGER KVDVNG 10:33 ပူးပေါင်းရင်းမြစ်များ

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

GALATIANG KVDVNG 4:14

odokkc ngok du:nam-dagnamdc nolukkcpc ipusire:pc ikangaji, nolu ngom tayumtomang cdcmanggom ngom yodpaktomang, cmpige:la ngom Ru:ncpvnckc taycng lutadkoncmpc torvgsuto, Kristo Jisukcmpc.

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

1 KORINTIANG KVDVNG 3:18

Sc:kosin avycm yatsumoyoka. Nolukkolok akonc sc rcngam ayir-kvdv:so kinncpa:nc cmna mc:suycmvlo, bvm monba:ba:ncpc badmolang kinncpa:ncpc bv baddopc.

AGER KVDVNG 28:28

“Cdcmpcmvlo cdcm nolum kinabmokang ka:langka jc sc Ru:ncpvnckc mopvtsc Ru:ncmc kinma:nc kvdv:do:pc mclvgtagbong; bulu tadycpc.”

MARKKC 10:15

Aropakpc, ngo nolum lubidung, sc:kobvi ko:kangcmpc ima:ycnc Ru:ncsa:nckc migomdokodo:pc gva:langkuma:yc.”

METIU 18:4

Sc:kobvi sc ko:scmpc avyc asin adji:suycnc, bv taycng among migom mo:pvdok battarya:ncpc iycku.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

METIU 19:30

Ckvdaggom bojcko gvpo:nckvdv:dok lcddarpc iyc, odokkc lcddarkcdc gvpongarpc iycku.

AGER KVDVNG 10:32

Cdcmpidag Joppa:pc tani:cm mclvngtoka odokkc Simonmc sc:kom Pitor cmna gogdagaji gogmota:ka; bv Simonkc okumdo dung, suktung ager gernckonc, siycng ru:yido.’

AGER KVDVNG 10:34

Odo Pitorbv bvk nappangcm kosa:la luto: “Aroru:pc Ngo ludungkc Ru:ncpvncbv atckpc ka:namcm ka:mang,