AGER KVDVNG 1:3 - ANU LUGOD N. T. (BSI)

³ Bulum Bvavdcturrangkula Bvk du:g kostom gvdag lcdudo bojcrung lcngkansubinam kvdv:dokkc Bv lcngkansuto, bulum yi:pi longcdok ara:do lcngkansudokudo, odokkc Ru:ncsa:nckc migom doko mo:pvdok agomcm lubi lubila.

AGER KVDVNG 1:3 ပူးပေါင်းရင်းမြစ်များ

METIU 21:43

“Cdcmpc idag Ngo nolum lubidung, Ru:ncpvnckc migom dungko mo:pvdcm nolukkolokkcm bompakycku odokkc ope:koncm biycku odok a:ycm e:moncm.”

METIU 28:9

Odokkc ka:toka, Jisubv bulum rvgsuto odokkc luto, “Ayc:!” Nolu aika:lang odokkc bulu gva:la Bvk allcm pigapto odokkc kumto Bvm.

METIU 3:2

“Mc:dvrra mcngkutsutoka, kapila:nc taycng amo:dc anindanka:bong.”

METIU 4:2

Odokkc Bv yi:pi: longckolang yumcko doma:tv:ma:pc du:to, odokkc lcdupc Bv kcnongkangku.

MARKKC 16:19

Cmpige:la Ru:tum Jisubv, bulum Bv lungapdodcm taycng amo:c bompakkangku, odokkc Ru:ncsa:nckc lagbvgpc tedkang.

JO:N 20:26

Pi:nyi longc lcdulo, Bvk agom tadjvgla gvmvnnc kvdv:dc lckoda odo okumdo dungai, odokkc Tomabv buluk lcdulo du:tc:dungai, cmpige:la Jisubv gva:la buluk pongkokdo dagmvnto, odokkc luto, “Nolukkolo mc:po mcnganc dungka:langka.”

JO:N 21:1

Odok lcdupc Jisubv lckoda avdc agom tadjvgla gvmvnnc kvdv:dcm Tiberia Siycng asi ru:yido lcngkansutoku; odokkc Bv avdc cdcmpc lcngkansuto.

JO:N 21:14

Cdc Jisubv agom tadjvgla gvmvnnc kvdv:dcm lcngkansunamdc Bvm sikolokkcm turmokunamdok lcdudokkc lcumka:boi.

AGER KVDVNG 13:31

odokkc bojcrung longcko cdc sc:kobulu Bvk lcdulo Galildokkc Jerusalempc gvkaji lcngkansukaku, sc:kobulu su:pak tani:kvdv:dcm lupakbidu:ji.

AGER KVDVNG 19:8

Odokkc bv kumko okumdo gva:to odokkc po:lo puwumkopc a:ng pvtala luto, agom svkka:mvnsula odokkc Ru:ncpvnckc Migomdoko mo:pvdok lcgangc lubila;

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

AGER KVDVNG 28:31

Ru:ncpvnckc migom doko amo:dcm lutad lubila odokkc Ru:tum Jisu Kristokc agomcm aiyo:pc ka:de:pc odokkc motumma:pc lubila.

AGER KVDVNG 8:12

Cmpige:la cdvlo bulu Pilipkc lutad lubinamdcm mc:jvgtoji bv Jisu Kristokclang Ru:ncpvnckc migom doko mo:pvdok lutad lubila, bulu baptismongcm la:to, nc:ngcla: milbongkvdv:dc.

ROMANKVDVNG 14:17

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc;

KOLOSIANG 1:13

Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto,

1 TISSALONIANG 2:12

ngoluk appvngcm asincm pvtadopc lusv:toji odokkc nolum lugaplvkkaji Ru:ncpvnckc arckadopc turnamko turdopc, sc:kobv nolum Bvk avkc migom dokodo:pc gogdagji odokkc amin gvnamdo:pc.

1 JO:N 1:1

Cdc okodc lendoa:dodokkc dunganc, okodcm nolu tattonc, okodcm ngolu ngoluk avkc amikkokki ka:sutonc, ngolu ka:lvgto odokkc ngoluk avkc alakkokki gakkvto,