14 Ngo mc:dag nolum lomdanna ka:begyc, odokkc ngolu lckopc ka:rvgmvnsudanna luposuyc.
Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.
Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”
Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”
Cmpige:la ngo ludung, Yalodokki lambcm gvtoka, odokkc amvrdok mcngkamkvdv:dcm mc:lvgsumoyoka.
Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc.
Akoncm akonc aya:pc mc:nam dosuknam kokki kumtadsutoka. Cdc Kristokolo du:nam mcnganc noluk appvngkolopc.
Ngokkc bojcrungko adpcnam dunggagom, ngo kagojcmmang siyaiycm adnama:ycbong, cmpige:la ngo mc:dung ngo nokkolo:pc gvla ka:la:ycpc odokkc nom ka:rvgmvnsula uposula:ycpc; odomvlo jen nok mc:pobadnamdc pv:danycpc.