3 JO:N 1:10 - ANU LUGOD N. T. (BSI)

¹⁰ Cdcmpidag jodi ngo gvmvlo, bv okkom idu:ji ngok birudi:pc inam appv:dcm aima:nc agomki lulenamyc. Odokkc odokki mc:lvgsuma:pc jc, bv avdc avdcm lupaksudag bvrrang kvdv:dcm tomrvgsupcnammcm, odokkc bulum cdc tomrvgsupcnc kvdv:dcmsin motumdag odokkc mondoli: dokkcmsin la:lennvgdag.

3 JO:N 1:10 ပူးပေါင်းရင်းမြစ်များ

2 KORINTIANGKVDVNG 13:2

Ngo lukanbitobong cdc sc:kobulu po:pc pa:bcm itonc odokkc ake appv:dcm, odokkc ngo lutaddung su:pak bulu kama:doscmsin, ngok lckon gvdodcm du:do dokkcmpc, jc ngo lckoda gvmvlo ngo bulum cpv:pc mc:yinsuma:yc–

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

3 JO:N 1:5

Aipc mc:bomsunam kvdvnga, cdc tadpcru:nam agomcmpc ido cdvlo nolu bvrrang kvdv:dcm atv agerko gerbidaji, anguru:pc kangkinma:nam kvdv:do:pc,

JO:N 9:22

Bvk anc-abudc cdcmpc luto kapila:nc bulu Jiwukvdv:dcm pcsodagai, kapila:nc Jiwukvdv:dc odo ru:sutagai sc:kaiyc Bvm Kristobv cmna luycnc, bvm kumko okumdokkc mcn nenlvgyc.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

1 TIMOTI: 5:13

Cdcmpila:sin, bulu lo:si-lo:bagla du:ncpc dungkaisudag, buluk kumrvkc okum okumlo:pc cmmumpc gvgong gvgo:la, odokkc lo:si-lo:bagncppong imang cmpige:la do:ying kvgo:la odokkc jasisugo:la, okodcm bulu lupcma:nama:ji lugo:la.

2 JO:N 1:10

Sc:kaiyc jodi nokkolo:pc gva:yc odokkc sidc ncrkvg agomscm gva:bomma:yc, bvm okumdc torvgsuyoka cdcmanggom atvko kumtadsuyoka;

2 JO:N 1:12

Ngokkc bojcrungko adpcnam dunggagom, ngo kagojcmmang siyaiycm adnama:ycbong, cmpige:la ngo mc:dung ngo nokkolo:pc gvla ka:la:ycpc odokkc nom ka:rvgmvnsula uposula:ycpc; odomvlo jen nok mc:pobadnamdc pv:danycpc.

3 JO:N 1:3

Kapcnc ngo kvnggv:pc mc:pobaddo cdvlo bvrrang kvdv:dok akke gvpv:toji odokkc nok turnamdok arodcm lukanbitoji, kapc aroru:pci no arodcm lukamdcmpc taddoji.