2 TISSALONIANG 3:1 - ANU LUGOD N. T. (BSI)

¹ Adamso, bvrokvdvnga, ngoluk lcgangc kumnangka, jc Ru:tumkc agomdc lomna aropc iycpc odokkc mopvtsuycpc, kapc cdc noluk ara:do ika:ji,

2 TISSALONIANG 3:1 ပူးပေါင်းရင်းမြစ်များ

1 TISSALONIANG 5:25

Bvrokvdvnga, ngoluk lcgangc kumnang.

KOLOSIANG 4:3

odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;

1 KORINTIANG KVDVNG 16:9

Kapila:nc ngokkcpc pontaru:nc yabgoko ager sa:nc agerko kuge:kang odokkc clc bojcrungko miruc dung.

1 TISSALONIANG 1:8

Kapila:nc nolukkolokkc Ru:tumkc agomdc Makedoniang do:pclang Akaiango:do:pc gvtomang, cmpige:la noluk Ru:ncpvnckolo mc:jvgdc appv:lo:pc gvngapkang, cdcmpcjc ngolu okkomsin lupcnampc itomang.

AGER KVDVNG 19:20

Cdcmpila Ru:tumkc agomdc bojcbomkang odokkc kvnggv:pc gvbarbomkang.

1 TISSALONIANG 5:17

appvng inamsa:namlo aipai bilangka;

AGER KVDVNG 12:24

Cmpige:la Ru:ncpvnckc agomdc gvbarbomkang odokkc bojc bojcpc gvbarbomkang.

2 TIMOTI 2:9

cdc tadponc lutaddcm okodok lcgangc ngo irvsinyom pa:doji tani:mokencmpc ikoli:ycm koggabkosula dung.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

1 TISSALONIANG 2:1

Kapila:nc nolu av avkvdv:dc kindag, bvrokvdvnga, jc ngolu nolum gvla ka:namdc cmmummangai;

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

2 KORINTIANGKVDVNG 1:11

Nolusin ngoluk kumna kumdumsupa:ru:yc, odomvlojen bojcrung kumnamdok akirba:dcm bila kumnamcm arc pangga:lok ngoluk lcgangc bojcrung aipai biyc.

ROMANKVDVNG 15:30

Ngo nolum kumna ludung bvrrangkvdvnga, ngolum Ru:tum Jisu Kristokokki odokkc Yalodok aya:dokki, ngok lcdulo sipcturpc cmna imvnna noluk Ru:ncpvncmc ngoluk lcga:pc kumnamkokki,

AGER KVDVNG 6:7

Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.

METIU 9:38

cdcmpidag kumtoka arvgdok Ru:tumdcm Bvk arvgpc ager gerncm mclvgdopc.”

LU:KKC 10:2

Odokkc Bv bulum luto, “Arvgc bojcrungko, cmpige:la ager gernckvdv:dc adjiongko; cdcmpidag arvgdok Ru:tumdcm Bvk arvgpc ager gerncm mclvgdopc kumtok.

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.