2 TISSALONIANG 2:9 - ANU LUGOD N. T. (BSI)

⁹ Lujvgluro kama:ncdok gvnamdokki Satandok agerkvdv:dokki appvng ilang gvlangkokki odokkc lume-luse: lunam agomlok lcngkanclang mcngapla:ma:nam kvdvngc.

2 TISSALONIANG 2:9 ပူးပေါင်းရင်းမြစ်များ

METIU 12:22

Odo miglunc: odokkc agom lula:ma:nc uipa:nam tani:ko Bvk kcra:do:pc gva:boto, odokkc Bv bvm aimotoku, cdc agom lula:ma:nc lula:dokupc odokkc ka:begdokupc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 4:10

Odo Jisubv Bvm luto, “Gc:rkang, Uiya! Kapila:nc scmpc adtag, ‘Nok Ru:ncpvncmc kumnang odokkc Bvk lcgangong mc:tomna agercm gerrang.’ ”

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

LU:KKC 11:25

Odokkc aiyo:pc tvsv:tvmola lc:dopc gvpa:sudakku.

JO:N 4:48

Jisubv cdcmpila bvm luto, “Nolu kanggodkolang mcngapla:ma:nam agerko ka:ma:sisscm mc:jvgma:yc.”

JO:N 8:41

Bulu Bvm luto, “Ngolum jo:ra:pc onammangai; ngolukkc Abbo ako dung, Ru:ncpvnc bvci.”

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

2 KORINTIANGKVDVNG 11:14

Odokkc mcngapla:ma:nampc imang, Kapila:nc Uidc:sin bv avdcm pva:lok taycng among tani:yc cmna lc:sula lcngkansudag.

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

2 TIMOTI 3:8

Kapc Janne:bv:lang Jambre:bv Mose:mc birudi:pc ikaji, cdcmv:pc sc tani:kvdv:sc:sin arodcm birudi:pc idag, asin aima:si:ma:nc tani:kvdv:dc odokkc mc:jvgcm lume:pc lunc tani:yc;

JAKOB 3:15

Sc kinnam agomsc taycng among tolokkc gvincmang, cmpige:la mo:pvsokkc, yalo agom kama:nc, uiager-inam-gvnamc.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 18:23

odokkc saki:lok ruadko nokkolo cdvlosin ka:begma:yckubong; odokkc magbodoklang yamncdok gomukko nokkc cdvlosin tadbegkuma:bong, kapcnc nok mircm rcmnckvdv:dc mo:pvsok bottcru:nc tani:yai, odokkc appvng opvnkvdv:dc nok moyadla morunamki yadmoto.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.

LUNGOR LUNAM 9:11

Buluk ara:lo migompc innc du:tcr kama:pc inc jiko:dok taycng among lutad lunnc dung; Hibriulo bvk amincm Abaddon cmtag, odokkc Giriklo bvm Apollion cmna gogdag.