2 TISSALONIANG 2:16 - ANU LUGOD N. T. (BSI)

¹⁶ Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

2 TISSALONIANG 2:16 ပူးပေါင်းရင်းမြစ်များ

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

TITUS 1:2

lo:dv-longkvpc turnamdok mc:tindcm okodcm Ru:ncpvncbv,

1 TISSALONIANG 3:11

Su:pak ngoluk Ru:ncpvncbv odokkc Abubv avdc, odokkc ngoluk Ru:tum Jisubv, ngolum lambcm nolukkolo:pc lcngkantcika;

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

IPESIANG KVDVNG 5:25

Milbongkvdv:dc, noluk nc:ngkvdv:dcm aipc mc:langka, kapc Kristobv mondoli:dcm aipc mc:dagji odokkc bvk lcgang avdc Bv sigclvgtoji.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

ROMANKVDVNG 5:8

Cmpige:la Ru:ncpvncbv ngoluk lcgangc ayangcm lcngkandag odo cdvlo ngolu papi:la dungaji Kristobv ngoluk lcgangc sibikang.

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

ROMANKVDVNG 4:4

Su:pak sc:kobv ager gerdoji, bvk pa:pcnam gerrckvdv:dcm amanc cmna kvgabmang cmpige:la bvk pa:pcnammc cmna kvdag.

AGER KVDVNG 18:27

Odokkc bv cdvlo Akkaia:dop kongko:pc cmna mc:to, bvrrangkvdv:dc bvm lusv:lvgto, odokkc agom tadjvgla gmvnnckvdv:do:pc bvm torvgsudopc adlvgto. Cdvlo bv gvpv:toji, sc:kobulu ayangkokki mc:jvgtoji bv aipakpc ka:dumsuto;

AGER KVDVNG 15:11

Ckvdaggom ngolu mc:jvgdo:jc ngolum Ru:tum Jisukc ayangkokki moturyc bulum moturarkamcmpc.”

JO:N 16:22

Cdcmpila nolukkc su:pak mc:dvrc dung, cmpige:la ngo nolum lckoda ka:begycku odokkc noluk asinkvdv:dc mc:poyc, odokkc sc:kosin nolukkolokkcm mc:podcm la:pakma:yc.

JO:N 15:13

Tani:akonc bvk ajondok lcgangc turnamcmci tolvgbinamcmyam, bottcya:pc aipc mc:namc kamang.

JO:N 15:9

Abudc ngom kapc aipc mc:ton, cdcmv:pc ngo:sin nolum aipc mc:to; ngok aipc mc:namdo du:langka.

JO:N 13:1

Cdcmpc idodcm Gvbo:la gvla dopun dojardok po:pcbong, Jisubv Bvk mo:pvsokkc Abukoto:pc gvpakkunam ayirdc aninka:bong cmna cdvlo kintoji, mo:pvso sc:kobulu du:nc cdcmbulum ayangge:la, Bv bulum du:tcrdo:pc aipcmc:to.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

LU:KKC 16:25

“Cmpige:la Abrahambv luto, ‘Awosa mc:pa:langka nok turra du:dagdo no ainc ainc attarcm pa:to, odokkc Lajaru:bv cdcmv:pc aima:nc attarcm pa:to; cmpige:la su:pak bvm so mc:pomotakku, odokkc no su:pak ipusire:ycm pa:dungku.

LUNGOR LUNAM 22:5

Odokkc yummc cdvlosin kakuma:ycbong; bulu atv saki:lok pvangko cdcmanggom do:nyiko lagima:ycbong kapcnc Ru:tum Ru:ncpvncbv buluk pva:pc iycku, odokkc bulu lo:dv longkvpc migom doycku.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

HIBRIUKVDVNG 7:19

(Kapcnc lujvglurodc okkomsin pv:dopc ila:tomang;) akon alagdo, aiya:nc lulennvgto, okodokki ngolu Ru:ncpvnckc kcra:do gva:doji.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

KOLOSIANG 1:5

Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto.

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

2 TISSALONIANG 2:13

Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.