2 TISSALONIANG 2:13 - ANU LUGOD N. T. (BSI)

¹³ Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

2 TISSALONIANG 2:13 ပူးပေါင်းရင်းမြစ်များ

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

1 TISSALONIANG 5:9

Kapcnc Ru:ncpvncbv ngolum aglv:la palvgnamdok lcgangc lc:mang, cmpige:la ngoluk Ru:tum Jisu Kristokokki moturcm pa:dopc cmna:mvn,

1 TISSALONIANG 1:4

Kapila:nc ngolu kindag, Ru:ncpvnckokki mc:bomsunam bvrrangkvdvnga, jc Bv nolum balenna la:to;

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

ROMANKVDVNG 9:11

ngoluk toku abu Isahakbv, bulum omangadagom odokkc ainckoba: aima:ncko itomang, Ru:ncpvnckc balenna manamdok mcngkvdc du:tvdopc, ager lcgangkimang cmpige:la Bvk gognamkokki,

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

2 TISSALONIANG 2:12

odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

KOLOSIANG 1:5

Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto.

GALATIANG KVDVNG 3:1

C:i monba: ba:nc Galatiangkvdvng! Nolum sc:ko luyuton, sc:k ka:de:pc Jisumc tani:ka:de:pc kurusdo pvtketo cmna lulen-lua:la lubiton?

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

HIBRIUKVDVNG 1:10

Odokkc, “No, Ru:tumno, lendo-a:do:do mopvscm pvto, odokkc taycngkvdv:to nok alakdog agerc.

2 TIMOTI 3:15

sckkolok no cdcm kintoji odokkc kapc kowawdokkc no angunnc adnamkvdv:dcm kintoji okodc:bulu nom moturnam lcgangc luyirla:dagji Kristo Jisukolo mc:jvgla.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

ROMANKVDVNG 8:33

Sc:kobv atv lujckko lua:la:ycn Ru:ncpvnckc mc:la balennamdok birudi:pc?

ROMANKVDVNG 6:17

Cmpige:la Ru:ncpvncmc aipai binampc ika:langka, jc nolu sc:kobulu lckoncm pa:blok pagbopc ikaji asinbokki luyir agom tadncpc ikang okodcm nolu tadpc cmna tolvgtoji;

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 1:1

Lendo-a:dodo Gomugdc dungai, odokkc Gomugdc Ru:ncpvnckc lcdulo dungai, odokkc Gomugdc Ru:ncpvncbvai.

LU:KKC 1:75

angunna odokkc dormokanamkokki Bvk kcra:lo odokkc ngoluk turradu:dag appv:so.

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

1 TISSALONIANG 2:12

ngoluk appvngcm asincm pvtadopc lusv:toji odokkc nolum lugaplvkkaji Ru:ncpvnckc arckadopc turnamko turdopc, sc:kobv nolum Bvk avkc migom dokodo:pc gogdagji odokkc amin gvnamdo:pc.

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.