2 TISSALONIANG 1:9 - ANU LUGOD N. T. (BSI)

⁹ Bulu lo:dvlongkvpc singapkupcnam palvgdcm pakosuycku odokkc Bv ilang-gvla:namdok amin gvnamdokkc,

2 TISSALONIANG 1:9 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 22:13

Odo migomdc mibo bonc tani: kvdv:dcm luto, ‘Bvm alc alagdcm yc:tok, odokkc clc morongkc kcmmolo crrennvgta:ka; olo tani:kvdv:dc kaptaksuyc odokkc a:yckvdv:dcm dokcrcbamsuycpc.’

METIU 24:30

odo tani:kc Awodok kanggodc taycng amo:to lenyc, odokkc mo:pvso tani: appvng opvnkvdv:dc kaptakri:taksuyc, odokkc bulu tani:kc Awodcm do:mvrtok mukkang tayc:lo tornamki odokkc bottcru:nc migangki gvdokupc ka:begyc.

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 26:24

Tani:kc Awodok agomcm kapc adtu:nc cdcmpc gvdag, cmpige:la tani:kc Awodcm sc:ko tani:dc miru alaglo tolvgycnc cdc tani:dc mc:la mc:tapsupcnammc! Cdc tani:dokkcpc bvm omangagom aiya:ya:pc.”

METIU 7:23

Odo bulum ngo appvng kindopc lutadla lubiyc, “Ngo cdvlosin nolum kinmangai; ngokkolokkc gc:ramkang, nolu aisi:ma:nc ager gernckvdvnga.”

LU:KKC 13:27

Cmpige:la Bv luyc, ‘Ngo nolum lubidung, nolu okolokkc gvdu:song ngo kinmang; ngokkolokkc nolu gc:rkang, aima:nc ager gernc tani: appvngc!’

JO:N 5:14

Lcdudom, Jisubv bvm kumko okumdo rvgsutoku, odokkc bvm luto, “Ka:toka no aikangkunc! Lckoda pa:bcm iyokubong, okkosin cdcmyam aiya:ma:pc nokkc ima:dopc.”

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

1 TISSALONIANG 5:3

Cdvlo tani:kvdv:dc luycji, “mc:pomcnganc odokkc kvnggv:la dung,” odo vgcmpc omvg osvgc pvnga:yc bulukkolo kapc ommang pa:dom nc:ngc kidoji cdcmpc. Odokkc odo sc:kosin dugsila:ma:yc.

2 TISSALONIANG 2:8

Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

HIBRIUKVDVNG 10:29

cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

2 PITOR 2:17

Cdcbulu asi kama:nc jiliyc odokkc bottcnc csarc sargo:bomnam tapamc: bulukkcpc kcvgkc kcmmojvng cmnc uiaru:bcm modanna toka:la lc:tag.

2 PITOR 3:7

Cmpige:la cdc agom akku:dokki taycngtc:lang mo:pvsc cdc dunggabla du:ncdcm vmvlo rompcmna mckumsula lc:tag, cdc kcba:bangkunanc longcdo:pc lc:la odokkc dormo kama:nc tani:kvdv:dcm mokekunamdok lcga:pc.

JU:D 1:13

siycnglok bottcru:nc asi lu:nc, buluk avkc anyingcm pimpudcm tayc:pc lu:sa:monnc; dcnggo:nc takarc odokki lcgangc bclc ui aru:bcm lo:dvlongkvlo:pc mc:danna lc:tagji.

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.

LUNGOR LUNAM 20:14

Odokkc Sinamclang Uiamongcm siycngcmpinc vmv pa:ta:lo crpaklvgto. Cdcna lckon sikunamdc cdc siycngcmpinc vmv pa:ta:dc;

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.