2 TIMOTI 4:8 - ANU LUGOD N. T. (BSI)

⁸ Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

2 TIMOTI 4:8 ပူးပေါင်းရင်းမြစ်များ

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 PITOR 1:4

odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

2 TIMOTI 1:12

Cmpige:la ngo anyi:mang, kapcnc ngo kindag sc:kom ngo mc:jvgdoji, odokkc ngo kindagrung jc Bv cdc Longcdc pvnga:dodo:pc ka:ribomla du:la:dag okodcm ngom lugablvgtagji.

1 KORINTIANG KVDVNG 9:25

Cdcmpidag dugtoka no:jen cdcm pa:ycpc. Appvng moduduka:mvnsunc mentumsula du:namcm appvng agerlo idag. Bulu cdcm omvgpcnc dogsori: abvlcgang idag, cmpige:la ngolu omvgpcma:nc abv lcgangc ido.

KOLOSIANG 1:5

Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

LUNGOR LUNAM 19:11

Odo ngo taycng amo:tcm moge:dopc ka:to, odokkc ka:toka, kamponc gure: adorkonc! Sc:kobv odok tayc:do teddagji ludag Mc:jvgjvrvgdag odokkc Arro, odokkc dormokanamlo bv kcbangcm ba:dag odokkc mimagcm modag.

2 TIMOTI 2:5

Oko yc:mvnsunc tani:ycsin bv lujvg-lurodokkcmpc mopvma:mvlo v:rnc dumlubcm pa:mang.

2 TIMOTI 4:1

Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

1 TIMOTI: 6:19

cdcmpc ro:yampokc lcgangc bulu av-avyc ainc dunggcngko mosa:yc odomvlo jen bulu turla du:namdc gagla du:bomycpc okodc ncrkvgpc turnamrungcji.

1 KORINTIANG KVDVNG 2:9

Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

LUNGOR LUNAM 22:20

Sc:kobv sc agomkvdv:scm lukanna lubidagji ludag, “Aroru:pc ngo lomdanna gvdokubong” Amen. Gvtokuka, Ru:tum Jisua!

LUNGOR LUNAM 4:10

cdc vyvngkolang anyi abv:nc tani:kvdv:dc Bvk kcra:do owa:dag sc:kobv migom dungkodo dunga:dagji odokkc Bvm kumdagji sc:kobv lo:dv longkvpc turra du:dagji, buluk migom dumlubcm bulu migom dungkodo lc:dag,

LUNGOR LUNAM 4:4

Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

2 TIMOTI 1:18

Ru:tumbv bvm mc:yinsunam pa:dopc bika:langka Ru:tumkolokkc odo Longcdo–odokkc nom aipc kinbu:la bv Ipesu:do appvng agercm gerla:yam.

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

ROMANKVDVNG 8:23

Odokkc ru:namo:dc:mang, cmpige:la ngolu avycsin, sckkc Yalodok e:pongarnc a:ycdc du:ji, asin ara:bo svgvn-gvnna kabla dung ngolu unam awa:pc inamdcm toya:la du:la:yam, ngoluk amvrkvdv:dok arc bila rclenkunam moturkunam kvdv:dcm.

ROMANKVDVNG 2:5

Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji.

METIU 24:36

“Ckvdaggom cdc longcdok ayirdcm sc:kosin kinma:yc, taycngamo:to Ru:ncpvnckc lutad lunckvdv:dcsinci, cdcmanggom Awodc:sin, cmpige:la Abudok atcro:dc.

METIU 7:22

Odo longcdo bojcrungkonc luyc ngom, ‘Ru:tuma, Ru:tuma, ngolu nok aminno lungorla lunam agomcm lubigo:ma:lang, odokkc nok aminno uikvdvngcm mcnpagmangalang, odokkc bottc bottcnc agercm bojcrungko nok aminno germangalang?

1 TISSALONIANG 5:4

Cmpige:la nolu kcmolo du:mang, bvrokvdvnga, kapcnc cdc longcdc nolum dopsongcmpc mcngapla:ma:pc imoycpc.

2 KORINTIANGKVDVNG 5:2

Sido aropakpci kila madgo:sula dung, odokkc ngoluk taycng dungkodo du:lv:dag,

LU:KKC 10:12

Ngo nolum lubidung, odo longcdo Sodomdokkcpci torasula:ya:ycpc cdc tawondcmyam.

1 KORINTIANG KVDVNG 3:13

vsvngkokki, sannc ncsinkokki, amrongkokki momvlo– tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

PILIPIANG KVDVNG 3:11

jc pagycmvlo ngo sikolokko turkunamdcm pa:la:ycpc.

2 TISSALONIANG 2:8

Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki.

2 TIMOTI 1:10

odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.

HIBRIUKVDVNG 12:11

Kapcnc mogvtmomat ludandodo aipc kidagncmpc ka:dag mc:ponamdcmpcyam; lcdupc cdc dormokanamlok mcngan a:ycm e:modag cdc sc:kobulum odokki luyirgvyirdagji.