2 TIMOTI 4:7 - ANU LUGOD N. T. (BSI)

⁷ Ngo bottarya:n mimagdcm moto, ngo dugnamdcm dugamto, ngo mc:jvgdcm mc:tvto.

2 TIMOTI 4:7 ပူးပေါင်းရင်းမြစ်များ

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

JO:N 4:34

Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

LUNGOR LUNAM 3:8

“Ngo nok agerkvdv:dcm kindag. Ka:toka, ngo nok kcra:lo yabgoko moge:la lc:bitag, okodcm sc:kosin mokapla:ma:ji; ngo kindag jc nokkc cmpige:la adjio:ko ilang gvlangc dung, odokkc ckvdaggom no ngok agomcm gagla du:to odokkc ngok amincm lupaksutomang.

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

1 TIMOTI: 6:20

O Timoti, nom okodcm bigablvgtagnc ka:sv:mosv:toka. Dormokama:nc agom luke:nc kvdv:dcm mcpaktoka odokkc luyotmvnsunam kvdv:dcm okodcm lume:pc kinnam cmna ludoji,

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

1 TIMOTI: 1:18

Sc lujcmscm ngo nom lulvgdung, Timoti:ya, ngok aowa, lungor lunamdok lukamdcmpc okodc nokkolo:pc sudkandagnc, jc cdc bulukkokki ilanggvlangcm pa:la nolu ainc mimagcm motoka, mc:jvgdcm mcnggabbomla odokkc ainc mcngc-saggcm mcnggabbomna.

JO:N 17:6

“Ngo nok amincm lcngkanambitobong oko tani:kvdv:dcm no ngom mo:pvsokkcm bitu:ji; nokkolo bulu dunggai, odokkc no bulum ngom bitu:bong, odokkc bulu nok agomcm mcnggabto.

AGER KVDVNG 13:25

Odokkc Jo:nbv bvk lupcnamdcm lungapdodcm, bv tawuto, ‘Okkomna nolu ngom mc:dang? Ngo Bv:mang. Ma: ngok lcdupc akonc gvmvndung sc:kokc lcyugdok rvbvdcmci ngo sarbipc arckama:ncko.’

GALATIANG KVDVNG 2:2

Ngo lungor lunamki gvto; odokkc ngo buluk kcra:do (atckpc cmpige:la sc:kobulu amin gvdagaji buluk kcra:do) tadponc lutaddcm lubito okodcm ngo angu tani:kvdv:dok kcra:lo lutadbitoji; ckvma:mvlo ngo kapcjila ngo ipusire:ycm pa:ycpc cdcmanggom cmmumpc ipusire: pa:to.

PILIPIANG KVDVNG 1:30

C:mo:pin pamvnsunamcm okodcm nolu ka:toji odokkc su:pak ngokkcpc idu:ji.

2 TIMOTI 3:10

Cmpige:la no su:pak ngok poyircm tattobong, ngok du:nam-dagnamcm, ngok turnamsok mc:la gvnamdcm, ngok mc:jvgcm, ngok mentumsula du:namcm, ngok aipc mc:namcm, ngok mcmangke:ke:pc du:tv-dagtvla du:namcm,

LUNGOR LUNAM 6:11

Odo buluk appv:dcm kamponc rvbv asong asongko bitungaji odokkc adji:okoda du:rasula du:dopc luto, buluk ager gerjon kvdv:dc odokkc buluk bvrrangkvdv:dcm pv:danma:sisscm, sc:kobulum mokepcnamcji kapc bulu av avkvdv:dc:sin idagji.