2 TIMOTI 4:5 - ANU LUGOD N. T. (BSI)

⁵ Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

2 TIMOTI 4:5 ပူးပေါင်းရင်းမြစ်များ

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

2 TIMOTI 2:3

Irisinyo pa:namlo Jisu Kristokc ainc mimagmonc koncmpc ilang-gvlangka.

KOLOSIANG 4:17

Odokkc Arkipu:mc lulang, “Ka:langka jc nolu migom agerdcm gerpvnnang okodcm Ru:tumkolokkcm nolu pa:toji.”

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

AGER KVDVNG 21:8

Longkondo ngolu gvpaktoku odokkc Kaesaria:do:pc gvto; odokkc ngolu Pilipkc okumdo:pc tadponc lutad agom lubigo:nc kodo:pc gva:to, sc:kobv kvnvdokk akoa:ji, odokkc bvk lcdulo du:mvnto.

1 TIMOTI: 4:15

Sc gerpcnam agerkvdv:scm iyit-gvyittoka, odobulu no avyc tolvgsulangka, odomvlo jen appvngc nok gvgcla gvnamdcm ka:begycpc.

1 TISSALONIANG 5:6

Cdcmpidag kajc ngolu yubla du:yoka, kapc akke du:dagji, cmpige:la kajc darra du:lai odokkc asinc ansv:la du:lai.

LUNGOR LUNAM 3:2

Kinsutoka, odokkc okodc dungka:ji odokkc sipc cmna idu:ji kvnggv:motoka, kapcnc ngo nok agerkvdv:dcm Ru:ncpvnckc kangkolo aiyamdandopc pa:tomang.

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

HIBRIUKVDVNG 13:17

Noluk igur-gvgurbonc kvdv:dok lukam tadlangka odokkc bulukkolo tolvgsulangka; kapcnc bulu noluk yalokvdv:dcm kanggabya:la dung, isabcm bikupcnc tani:kvdv:dcmpc. Bulum mc:po-mcnganla scm germotoka, odokkc mc:dvrra ima:pc, kapcnc cdc nolukkcpc ipo-siyanncpc ima:yc.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

LU:KKC 12:37

Cdc ager gerya:nc kvdv:dc gernc pu:nc sc:kobulum ru:tumdc cdvlo Bv gvlatyckuji darra du:dopc gvpa:suyckuji; aropakpc, ngo nolum lubidung, bv av avycm mosv:suyc odokkc doko tcbuldo teda:ma:yc, odokkc bv gvlangkula bulum donam tv:namcm sagbiycku.

MARKKC 13:37

Odokkc nolum ngo okkom ludu:nc ngo appvngcm ludung: toya:la du:toka.”

KOLOSIANG 1:25

cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc,

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

MARKKC 13:34

Cdc tani:akonc okum mcge:la okolai gvnamcmpc idag, bvk okumdcm bvk ager gerya:nckvdv:dcm ka:sv:ycpc imoge:la, buluk ayv ayvkc agerkvdv:dokkcm, odokkc yabgo ka:ya:ncdcm ka:ya:la darra du:dopc lulvgto.

IPESIANG KVDVNG 4:12

Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

2 TIMOTI 4:17

Cmpige:la Ru:tumbv ngok kcra:do dagkang odokkc ngom tornamcm bito pv:dandopc lutaddcm lubidopc, jc appvng Angu tani:kvdv:dc cdcm tadla:dopc. Cdcmpc ngo inggolok nappa:lokkc gvpvtsuto.

METIU 25:16

Sc:ko cdum pvngoko pa:tagaji lomdanna gvla odokbulukki beparcm moto; odokkc bv cdum pvngokoda molento.