2 TIMOTI 4:2 - ANU LUGOD N. T. (BSI)

² agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

2 TIMOTI 4:2 ပူးပေါင်းရင်းမြစ်များ

LU:KKC 7:23

Odokkc sc:kobvi ngokkolo invgsikorko pa:ma:nc bv gerncpu:nc.”

LU:KKC 7:4

Odokkc cdvlo bulu Jisukc kcra:do:pc gva:tonc, bulu kumna:sola: lumo lumola Bvm luto, scmpc lula, “Bv nom cdcm bvk lcga:pc imola:ncko, Kapila:nc bv ngoluk opvnscm aipc mc:dag,

LU:KKC 9:60

Cmpige:la Bv bvm luto, “Sinckvdv:dcm buluk avkc sinckvdv:dc yudopc lc:tok; ckvdaggom noluk lcga:pc, gvkang odokkc Ru:ncpvnckc Migom doko mo:pvdok agomdcm lutadbigo:ta:ka.”

AGER KVDVNG 13:5

Bulu cdvlo Salami:pc ko:pv:toji, bulu Jiwukvdv:dok kumko okumkvdv:do Ru:ncpvnckc agomcm lutadbigo:to. Odokkc buluk lcdulo Jo:nbv bulum gvdumsupc dungai.

AGER KVDVNG 16:13

Odokkc ager germa:pc yodla du:do longcdo gvlenna mo:ro:pc a:nc ru:yido:pc gvto, okolo ngolu mc:dungaji kumko mo:takko du:pc cmna, odokkc ngolu teda:la lckopc gvkumsunc nc:ngkvdv:dcm luto.

AGER KVDVNG 20:7

Longc kvnvddok a:pongarnc longcdo, cdvlo ngolu lckopc pita:dcm penporkapc gvkumsuto, Poulbv bulum luposuto, longkondo gvpakkupc cmna mc:la; odokkc yumc kvdvsudodo:pc bvk agomdcm lutvto.

AGER KVDVNG 28:16

Odokkc cdvlo ngolu Ro:mpc gva:toji, Poulbv atcro:dcm du:dopc du:moto, mimag monckvdv:dcm kanggabbomna.

ROMANKVDVNG 10:15

Odokkc kapc tani:kvdv:dc lutadbiycn bulum mclvgma:mvlo? Cdcm adla lc:namdcmpc, “sc:kobulu tadponc lutaddcm lubidagji kapc alckvdv:dc kangkandagnc!”

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

GALATIANG KVDVNG 6:6

Sc:ko agomcm poyirdagji bvm appvng ainc attarkvdv:dcm bv sc:kom poyirdagji bisumotoka.

KOLOSIANG 1:25

cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc,

KOLOSIANG 4:3

odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;

1 TISSALONIANG 1:6

Odokkc nolu ngolukkclang Ru:tumkc iko gvkolo gvmvnncpc ikang, kapila:nc nolu kvnggv:pc du:glo agomdcm torvgsuto, Angunnc Yalodokki mc:pomola.

1 TISSALONIANG 5:14

Odokkc ngolu nolum luyircm ludung, bvrokvdvnga, lo:bagnckvdv:dcm luyirrang, Pcsonckvdv:dcm asincm bottcpc mc:molang, bo:lkama:nckvdv:dcm idumgvdumsulang, bulu appv:dok lcdulo mentvlang.

1 TISSALONIANG 5:20

cmpige:la appvngcm anka:la ka:lang;

1 TIMOTI: 4:13

Ngok gvlatkuma:sisscm, tani:kvdv:dok dungkolo astrong agom ponamdcm potvlangka, lutadcm luyirtvlang, poyirlang.

1 TIMOTI: 5:20

Kapcnc cdc sc:kobulu pa:bcm itvdanna du:donc, bulum appvngkc kangkolo ge:langka, odomvlo jen akedc pcsola du:ycpc.

2 TIMOTI 2:21

Jodi akonc avyc okodc menggcma:nc narc:mosuycji, odo bv ainc ager gernanc attarpc iyc, angunmola odokkc okumdok ru:tumdokkcpc inasa:napc aidag, atv ainc ager gernancpc mosv:sudag.

2 TIMOTI 2:25

airu:nc poyirncpc, mc:yinsuncpc, ainc agomki bvk biruddi:ncm lugabdopc lulangka. Ru:ncpvncbv kapcjila cdcm tolvgciycsong jc bulu asinc mc:dvrra mc:latsuyckupc odokkc arodcm kinkapc gva:ycpc,

2 TIMOTI 3:10

Cmpige:la no su:pak ngok poyircm tattobong, ngok du:nam-dagnamcm, ngok turnamsok mc:la gvnamdcm, ngok mc:jvgcm, ngok mentumsula du:namcm, ngok aipc mc:namcm, ngok mcmangke:ke:pc du:tv-dagtvla du:namcm,

TITUS 1:13

Sc lukan lubinamsc arro. Cdcmpidag bulum kvnggv:pc torpc ge:langka, jc bulu mc:jvglo aroru:pc mc:jvgycpc,

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

HIBRIUKVDVNG 13:22

Ngo nolum kumna:sola: ludung, bvrrangkvdvnga, ngok lujvgpc luyirra lunam agom kvdv:scm mcnggcmvntoka, kapcnc ngo nolukkolo:pc andcngo:pc attobong.

LUNGOR LUNAM 3:19

Cdc sc:kobulum ngo aipc mc:dagnc, ngo mogvtmomatdo odokkc dcmdo; cdcmpidag kvnggv:pc mcnga:la gertoka odokkc asinc mc:dvrra mc:latsutokuka.